Boeslundeko altxorra

Boeslundeko altxorra
Jatorria
Aurkikuntza lekua	Boeslunde (en) eta Borgbjerg Banke (en)
Ezaugarriak
Materiala(k)	urrea eta brontzea
Deskribapena
Honen parte da	Brontze Aroko urrezko kapeluen urregintza estiloa
Kokapena
Lekua	Danimarkako Museo Nazionala
Koordenatuak	55°18′04″N 11°16′10″E / 55.301089°N 11.269344°E

Boeslundeko edo Borgbjergeko altxorra garai desberdinetan Boeslunde herrian aurkituako urrezko objektuen multzo batek osatzen dute, Danimarkako Sjaelland uhartean. Brontze Aroko bilduma inportante bat osatzen ute orotara,

Aurkikuntzak[aldatu | aldatu iturburu kodea]

19. mendean Borgbjerg izenez identifikaturiko toponimoan, bi alditan (1842 eta 1874), nekazariek Brontze Aroko sei urrezko ontzi aurkitu zituzten, guztira kilogramo bateko pisua zutenak. Ontzi antzekotasunak dituzte Gipuzkoan topatutako Axtrokiko ontziekin^[1].

1981ean, 250 metrora, urrezko zin eraztun bat aurkitu zuen haur batej, eta beste indusketa batzuetan bildumatxoa osatu zen, 2009an 6. eraztuna aurkitu zen arte.

Gertuko beste kokapen batean, 2015ean, beste aurkikuntza harrigarri bat: 3,0 cm-ko gehienezko luzera duten urre lau meheko 2.000 espiral inguruz osatutaturiko. Espiralak datatzen lagundu zuten urrezko bi orratz ere aurkitu ziren. Badirudi espiral asko forraturiko egurrezko kutxa batean lurperatuta daudela, non urki pikearen arrastoak aurkitu diren, janariren batekin gorde zirelako seinaletzat hartu dena. K.a. 900 eta 700 bitartean egin zirela uste da. Objektu espiralen parekorik ez da topatu Brontze Aroko Europako beste aurkikuntzetan. Adituek ez dakite ziur zertarako erabili ziren, baina susmatzen dute eguzkiaren argia islatzeko diseinatutako zeremoniazko jantzi edo buruko soineko baten parte izan daitezkeela.

Iruditegiak[aldatu | aldatu iturburu kodea]

Boeslundeko altxorra
zin eraztunak
zin eraztun
urrezko ontzia
urrezko ontziak


Konparaketa apaindura detaileetan, Borgbjergeko ontzi bat ezkerretan, eta Axtrokikoa eskumatan.

Erreferentziak[aldatu | aldatu iturburu kodea]

↑ Eogan, George. (1981). «The Gold Vessels of the Bronze Age in Ireland and Beyond» Proceedings of the Royal Irish Academy. Section C: Archaeology, Celtic Studies, History, Linguistics, Literature 81C: 345–382. ISSN 0035-8991. (Noiz kontsultatua: 2022-11-18).