Burdinazko etxea (eskultura)

Wikipedia, Entziklopedia askea
Burdinazko etxea (eskultura)
Burdinazko etxea - La casa de hierro.jpg
Jatorria
SortzaileaAgustin Ibarrola
Ezaugarriak
Materiala(k)burdina eta hormigoia
Genero artistikoaarte publikoa
Herrialdea Euskal Herria
Probintzia Bizkaia
HerriaPortugalete

Burdinazko etxea Agustin Ibarrola eskultoreak 1989an sortutako burdina eta zementuzko eskultura bat da.[1]


Kokapena[aldatu | aldatu iturburu kodea]

Eskultura Ugaldebieta izeneko parajean dago,[2] A-8 autobidetik Portugaletera sartzeko Ballontiko biribilgunearen erdian; ez dago bertara oinez joaterik.[3]

Ezaugarriak[aldatu | aldatu iturburu kodea]

Eskultura tamaina handikoa da, 12,20 metrotako altuerarekin eta 235 tonatako pisuarekin, hodien itxurazko hauskortasunaren eta zementuaren gogortasunaren artean jokatuz.[2] Zementuzko oinarri baten gainean, 140 burdinazko hodi ezarriak daude, 14 unitateko 10 geruzatan, egitura espirala osatuz; honen gainean, kubo formadun zementu multzo batek burutzen du eskultura.[4]

Eskulturak duen kutsu brutalista dela eta, askotan ikusleen aldetik iruzkin gutxiesgarriak jasotzen ditu.[5]

Bestelako jakingarriak[aldatu | aldatu iturburu kodea]

Ibarrolak Bizkaiko Foru Aldundiaren enkarguz sortu zuen Burdinazko etxea, Portugaleteko industria-garapena irudikatzeko.[1] Eskulturaren fabrikazioa Sestaoko Babcock & Wilcox enpresan egin zen.[6]

Eskulturak jatorrizko izena La Casa de Hierro badu ere, herritar askok lekua Rotonda de los Tubos izenarekin ezagutzen dute.[7]

Burdinazko etxea biribilguneetan eginiko eskulturen "azpigeneroaren" rankingetan agertu ohi da.[8]

Erreferentziak[aldatu | aldatu iturburu kodea]

  1. a b «España Bizarra» España Bizarra (Noiz kontsultatua: 2021-07-26).
  2. a b Sáenz de Gorbea, Xabier. Ezkerraldea. https://www.bizkaia.eus/.
  3. (Ingelesez) «Portugalete: "La casa de hierro" - A. Ibarrola» Mapio.net (Noiz kontsultatua: 2021-07-26).
  4. «~Antiguo fotolog dizdiz~» ~Antiguo fotolog dizdiz~ (Noiz kontsultatua: 2021-07-26).
  5. «Monumento De Los Tubos en la ciudad Portugalete» es.worldorgs.com (Noiz kontsultatua: 2021-07-26).
  6. Portugaleteko "Antonio Trueba" institutuko ikasleak. (2020). Redescubrimos la escuela de B&W. .
  7. (Gaztelaniaz) «Un 'megacamión' provocará esta madrugada cortes de tráfico en Bizkaia» El Correo 2018-04-09 (Noiz kontsultatua: 2021-07-26).
  8. Txantiloi:Local autoria. «El no arte de la rotonda» www.elsaltodiario.com (Noiz kontsultatua: 2021-07-26).

Kanpo estekak[aldatu | aldatu iturburu kodea]