Cabezako Ama Birjinaren baseliza

Cabezako Ama Birjinaren baseliza
Kokapena
Herrialdea	Euskal Herria
Probintzia	Nafarroa Garaia
Udalerria	Tutera
Koordenatuak	42°03′59″N 1°36′34″W
Historia eta erabilera
Irekiera	1816
Erlijioa	katolizismoa
Elizbarrutia	Tuterako elizbarrutia

Cabezako Ama Birjinaren baseliza Nafarroako Tutera udalerrian dagoen baseliza bat da. Cabezako Ama Birjinaren karrikan kokatua dago. Gaur egungo eraikina XIX. mendean eraiki zen, XVII. mendean eraikitakoa ordezkatuz. Izen berdineko Cabezako Ama Birjinari sagaratua dago.

Eraikina

Gaur egungo eraikina Cabezako Ama Birjinaren karrikako beste etxebizitza batzuei atxikitutako nabe txiki bakarreko baseliza da. Kondaira baten arabera, jatorriz Andaluziako Andujar udalerriko elizan zegoen bizantziar ikonografiako San Eufrasioren irudi bat du, irudi hau 711an mairuen inbasioan zehar harpilatua izan ez zedin ezkutatu omen zen, gerora, jada 1227an Sierra Morenako haitzulo batean topatu eta Tuterara ekarria izan omen zen.

Historia eta kronologia

• Lehenbiziko baseliza (XII. mendea?, XIV-XIX. mendeak)

Cabezako Ama Birjinari sagaratutako lehenbiziko baseliza hau 1611an sortua izan zen. Gaur egungo kokalekuan beharrean beste batean zegoen, hain zuzen ere, Tuterako gaztelua dagoen Santa Barbara muinoaren oinetan, Trinitate Santuaren elizaren alboan. 1808an Iberiar Penintsulako Gerran suntsitua izan zen.

• Gaur egungo baseliza (XIX. mendea)

Gaur egungo Cabezako Ama Birjinaren baseliza 1816an gaur egun dagoen kokalekuan eraiki zen, 1899an handitu zelarik.

Ikus gainera

• Tuterako historia

Kanpo estekak

• Datuak: Q5493079