Caltanissetta

Wikipedia, Entziklopedia askea
Jump to navigation Jump to search
Caltanissetta
Italiako udalerria
CathedralCaltanisetta.jpg
CaltanissettaCoA.svg
Administrazioa
Herrialdea Italia
Eskualdea Sizilia
Q21190155Libero consorzio comunale di Caltanissetta
Posta kodea 93100
ISTAT kodea 085004
Geografia
Koordenatuak 37° 29′ 29″ N, 14° 03′ 45″ E / 37.491472222222°N,14.062444444444°E / 37.491472222222; 14.062444444444Koordenatuak: 37° 29′ 29″ N, 14° 03′ 45″ E / 37.491472222222°N,14.062444444444°E / 37.491472222222; 14.062444444444
Caltanissetta hemen kokatua: Italia
Caltanissetta
Caltanissetta
Caltanissetta (Italia)
Map of comune of Caltanissetta (province of Caltanissetta, region Sicily, Italy).svg
Azalera 421.25 km²
Altuera 568 m
Mugakideak Canicattì, Enna, Marianopoli, Mazzarino, Mussomeli, Naro, Petralia Sottana, Pietraperzia, San Cataldo, Santa Caterina Villarmosa, Serradifalco, Sommatino eta Delia
Demografia
Biztanleria 62.317 bizt. (2018ko urtarrilaren 1a)
Dentsitatea 147,93 bizt/km²
Informazio gehigarria
Telefono aurrizkia 0934
Ordu eremua UTC+01:00 eta UTC+02:00
Hiri senidetuak Rochester, Sevilla eta Cittanova
Katastro kodea B429
Sailkapen sismikoa 4 (Oso txikia)
Matrikula CL
comune.caltanissetta.it

Caltanissetta (sizilieraz: Nissa) Italian, Sizilia erdi-erdian dagoen hiria da, eta izen bereko probintziako hiriburua. Oso jatorri zaharra du eta gaur egun 60.000 biztanle inguru ditu. Izena, alde batetik, Nissa aspaldiko hiri grekotik dator, eta, bestetik, gero arabiarrek gehitutako "Qal'at" (gaztelua) hitzetik. K.a. 123. urtean, Lucio Petiliok konkistatu zuen eta "Petiliana" izeneko kolonia erromatar oparo bihurtu zuen. Konstantinok bere inperiora gehitu zuen eta ondoren hiria sarrazenoen esku geratu zen. Sarrazenoez aparte, beste herri batzuek ere menderatu zuten: lehenik normandiarrek, gero sueboek, anjoutarrek, aragoitarrek eta gaztelarrek inbaditu zuten. Liberal siziliarren mendekuaren eraginez hainbat kalte jasan ondoren, XX. mendean, sufre meatzeei esker, hiriak garapen kultural eta ekonomiko handia lortu eta “sufrearen munduko hiriburu” izendapena jaso zuen. Gaur egun, hiriaren ekonomia nekazaritzan eta hirugarren sektorean oinarriturik dago, sufre meatzeetan baino gehiago. Azken urteetan, hirian turismoa bultzatzeko ahaleginak egiten ari dira, haren ondasun historiko eta artistiko ugariez baliatuz.

Caltanissettak ondasun artistiko ugari ditu, bere iragan historiko aberatsaren isla. Ondasun horietako bat Pietrarossako gaztelua da, probintzian dauden hainbatetako bat. 1080. urtean eraiki zuten eta hiru dorrez osaturik zegoen. Zoritxarrez 1567. urtean lurrikara bortitz baten ondorioz erori egin zen. Beste eraikin esanguratsu bat katedrala da, estilo neoklasikoaren adibide ezin ederragoa. 1570. urtean eraiki zuten eta 1622an osatu zuten. Aipagarriak dira Guglielmo Borremans-en freskoak eta baita eliza barnea apaintzen duten estatua ugariak ere. Katedralaren ondoan, San Sebastiano eliza dago, XVI. mendeko eraikin petoa, baina estilo neoklasikoaren arauei jarraituz berriztatua. Caltanissettako monumentu interesgarrienetako bat Santo Spirito abadia da, Ruggero konde normandiarrak sortua eta 1151n sagaratua. Estilo erromanikoaren adierazle zoragarria da; barnealdea ez du oso betea, eta bataiarri erromaniko bat dauka. Hiriak best hiru museo garrantzitsu ditu: Elizbarrutiko Museoa, Mineralogia Museoa eta Santo Spirito aldean dagoen Eskualdeko Museo Arkeologikoa.

Wikimedia Commonsen badira fitxategi gehiago, gai hau dutenak: Caltanissetta Aldatu lotura Wikidatan