Casamance

Wikipedia, Entziklopedia askea
Jump to navigation Jump to search
Casamanceko mapa

Casamance Senegalgo hego-mendebaldeko eskualde historiko eta naturala da, Casamance ibaiak zeharkatzen duena. Iparraldean Ganbiarekin du muga eta hegoaldean Ginea-Bissaurekin. Senegalgo mapari begiratuta oso bereizia ageri da eskualdea, ez bakarrik Ganbia estatuak banatzen du, baizik eta Ganbiatik igarotzen den ibai handiak (Ganbia izenekoa halaber) ere.

Administratiboki hiru eskualdetan dago zatiturik: Ziguinchor - Basse Casamance - , Sédhiou - Moyenne Casamance - eta Kolda - Haute Casamance -. Hiri handiena Ziguinchor da.

Diola etnia da nagusi bertan, fetitxearen kultura bizi duen herria.

Gatazka separatista[aldatu | aldatu iturburu kodea]

1982. urtetik gatazka armatua egon da Casamancen, independentzia eta nortasun propioarekiko errespetua aldarrikatzen dutelarik bertakoek. Diola etniarekin lotuta dago nagusiki mugimendu hori. Diolak kristauak edo animistak dira nagusiki, eta Senegalen oro har musulmanak dira nagusi. Era berean, hizkuntzaz ere, wolofera delarik lingua franca Senegaleko gehiengoan, Diola hizkuntza propioaz aparte, kreolera portuges bat mintzatzen da Casamancen.

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Casamance Aldatu lotura Wikidatan