Cathy Dewes
| Cathy Dewes | |
|---|---|
.jpg) | |
| Bizitza | |
| Herrialdea |  Zeelanda Berria |
| Hezkuntza | |
| Heziketa | Victoria University of Wellington (en)  |
| Jarduerak | |
| Jarduerak | irakaslea |
| Jasotako sariak | ikusi
|
Cathy Moana Dewes zeelandaberritar irakaslea eta maorieraren sustatzailea da. 1970eko hamarkadaz geroztik, pertsonaia nabarnema da maorieraren aldeko mugimenduan eta maorierazko hezkuntzan.
Bizitza
[aldatu | aldatu iturburu kodea]Bizitza pertsonala eta ikasketak
[aldatu | aldatu iturburu kodea]Dewesen bi gurasoak irakasleak ziren. Hiru neba ditu. Haurtzaroa East Capen eta Bay of Plenty eskualdean eman zuen, eta han maoriera ikasi zuen[1].
1966an, familia Wellingtonera joan zen bizitzera, non Dewesek Wellingtongo Nesken Ikastetxean ikasi zuen. 1968an ikasle-ordezkari izendatu zuten. Frantsesa, alemana, italiera eta latina ikasi zuen arren, zuzendariak esan zion ezin zuela maoriera ikasi[1][2].
Maorieran lizentziatu zen Wellingtongo Victoria Unibertsitatean. Ikasten zuen bitartean Te Reo Māori Society izeneko erakundea ezartzen lagundu zuen, eta horrek maorieraren sustapena bultzatu zuen, telebistan eta irratian barne[1].
Rawiri Rangitauirarekin ezkondu zen eta harekin sei seme-alaba izan zituen. 2014an senarra hil zitzaion[3].
Ibilbide profesionala
[aldatu | aldatu iturburu kodea]Te Reo Māori Societyn parte hartu zuenez, 30.000 sinadura biltzen lagundu zuen 1972an Zelanda Berriko Parlamentuan aurkeztutako eskaerarako. Bertan maoriera eskoletan erabiltzen hastea eskatu zuen[4].
Kura Kaupapa Māori eskolen mugimenduko kide sortzailea izan da Zelanda Berrian[1], eta Te Runanganui o Kura Kaupapa Māori erakundeko burua ere bai[5].
1985ean, Te Kura Kaupapa Māori o Ruamata eskola ezarri zuen Rotoruan, Zeelanda Berriko lehen maorierazko eskoletako bat. 10 urtez soldatarik jaso gabe lan egin zuen bertan, gobernuaren finantzaketa lortu arte[6].
2016an, Dewes Hezkuntza Ministerioaren Aholku Talderako izendatu zuten hezkuntza finantzatzeko sistemak berrikusteko[7]. Urte berean Te Ururoa Flavellek Te Mātāwai aholku-batzorderako izendatu zuen[8].
Sariak eta errekonozimenduak
[aldatu | aldatu iturburu kodea]- 2011: Waikato Unibertsitatearen honoris causa doktoretza[6]
- 2011: Zeelanda Berriko Merezimenduaren Ordenako ofiziala[9]
Erreferentziak
[aldatu | aldatu iturburu kodea]- ↑ a b c d (Ingelesez) Husband, Dale. «Cathy Dewes: We have a right to be Māori in our own land» E-Tangata 2018-11-25 (Noiz kontsultatua: 2024-10-04).
- ↑ (Ingelesez) «Waikato University honour for Māori language proponent» Scoop - New Zealand News 2011-08-31 (Noiz kontsultatua: 2024-10-04).
- ↑ (Ingelesez) Sherman, Maiki. «Māori Language advocate and leader Rawiri Rangitauira laid to rest» Te Ao Māori News 2014-08-01 (Noiz kontsultatua: 2024-10-04).
- ↑ (Ingelesez) «Hall of Fame» Wellington Girls' College (Noiz kontsultatua: 2024-10-04).
- ↑ (Ingelesez) Hurihanganui, Te Aniwa. «Kura should start bilingual korero earlier - study» RNZ 2017-06-19 (Noiz kontsultatua: 2024-10-04).
- ↑ a b (Ingelesez) Arthur-Worsop, Stephanie. «Honorary doctorate for Cathy Dewes» NZ Herald 2011-09-07 (Noiz kontsultatua: 2024-10-04).
- ↑ (Ingelesez) «New Advisory Group for review of education funding systems» Education in New Zealand (Noiz kontsultatua: 2020-04-19).
- ↑ (Maorieraz) «Kua whakatūria ngā mema o Te Mātāwai e ngā kāhui ā-iwi me Te Reo Tukutuku» The Beehive 2016-08-02 (Noiz kontsultatua: 2024-10-04).
- ↑ (Ingelesez) «Queen's Birthday honours list 2011» Department of the Prime Minister and Cabinet 2011-06-06 (Noiz kontsultatua: 2024-10-04).
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q93781423
Multimedia: Cathy Dewes / Q93781423