Christophe de Beaumont

Christophe de Beaumont

Christophe de Beaumont du Repaire (Meyrals, Périgord 1703ko uztailaren 26a - 1781eko abenduaren 12a) Frantziako artzapezpikua izan zen, Baionako apezpikua izandakoa.

Biografia

Les Adrets eta Saint-Quentin adarreko Beaumont leinuaren kidea, 1741ean Baionako apezpiku, 1745ean Vienneko artzapezpiku eta 1746an Parisko artzapezpiku izendatu zuten.

Beaumontek Jansenismoaren aurka borrokatu zuen Unigenitus bulda jarraituz. Hain zen latza bere borroka non Parisko parlamentuak bere boterea kentzea mehatxatu baitzion. Hori zela eta, Louis XV.a Frantziakoak parlamentuari espiritu-arazotan sartzea galarazi zion. Hala ere, 1753ko irailaren 18an Parisetik ihes egin eta 1754ko abuztuan erbesteratua izan zen.

Filosofoekin ere liskarrak izan zituen. Rousseauren Émile liburua kondenatu zuen eta Rousseauk Lettre a M. de Beaumont (1762) idatziz erantzun zuen.

Bere liburu nagusia 1780ko Mandements, lettres et instructions pastorales zen.

Kanpo loturak

Wikimedia Commonsen badira fitxategi gehiago, gai hau dutenak: Christophe de Beaumont

• (Ingelesez) catholic-hierarchy.org

Bibliografia

• Jean Secret: "Chateaux en Périgord". Jacques Delmas et Cie., 1955.

Aurrekoa Henri-Osvald de La Tour d'Auvergne de Bouillon

Vienneko artzapezpikua 1745 - 1746

Ondorengoa Jean d'Yse de Saléon

Aurrekoa Jacques-Bonne Gigault de Bellefonds

Parisko artzapezpikua 1746 - 1781

Ondorengoa Antoine-Éléonor-Léon Leclerc de Juigné