Ciutat Morta

Wikipedia, Entziklopedia askea
Jump to navigation Jump to search
Ciutat Morta
Datuak
Jatorrizko izenburua Ciutat Morta
Urtea 2013
Estreinaldia 2014ko martxoaren 24a
Generoa Dokumentala
Herrialdea  Katalunia
Iraupena 120 min
Aurrekontua 4.720
Banatzailea Metromuster
Zuzendaria
Xavier Artigas
Xapo Ortega
Ekoizleak
Diana Asenjo
Gidoilariak
Jesús Rodríguez
Mariana Huidobro
Musikagileak
Las Casicasiotone
Rui Aires
Argazkilariak
Xapo Ortega
Marielle Paon
Xavier Artigas
Jatorrizko hizkuntza
Frantses

Ciutat Morta 4F kasuari buruzko dokumentala da, 2013an Xavier Artigasek eta Xapo Ortegak egindakoa. Salaketa egin nahi du dokumentalak atxiloketa arbitrarioetatik hasi, poliziaren inpunitatea eta prozesu judizialean eman izan diren irregulartasunen inguruan[1].

Sinopsia[aldatu | aldatu iturburu kodea]

Oharra: Atal honek istorio osoa edo amaiera argitzen du.

4F kasua[aldatu | aldatu iturburu kodea]

Sakontzeko, irakurri: «4F kasua»

2006ko otsailaren 4an udaltzainak Bartzelonako etxe okupatu batera joan ziren; udaltzainetako bat larri zauritu zuten eta, ondorioz, bederatzi lagun atxilotu zituzten. Lauren kasua azaltzen dokumentalak, atxiloketa arbitrarioak izan zirelako. 2011n, baina, atxilotuetako batek, Patricia Herasek, bere buruaz beste egin zuen. Urte berean, gainera, Bartzelonako bi polizia kondenatu zituzten mutil bat atxilotzeagatik, torturatzeagatik eta diskoteka batean drogak saltzearen akusaziopean frogak faltsutzeagatik[1].

Patricia Heras[aldatu | aldatu iturburu kodea]

Dokumentaleko protagonista diren lau gazteek ez zuten zerikusirik 2006ko otsailaren 4an etxe okupatu hartan egin zuten jaiarekin. Kalean atxilotu zituzten, eta Patricia Heras ospitale batean atzeman zuten. Bizikletan zihoala erorikoa izan zuen, eta ospitalean zela atxilotu zuten, bere itxuragatik. Patricia Heras eta bere lagun Alfredo Pestana ez ziren etxe okupatuko jaia horretan izan[1].

Ondorioak[aldatu | aldatu iturburu kodea]

2015eko urtarrilaren hasieran, lurrikara eragin zuen Katalunian Ciutat Morta dokumentalak eta bera zentsuratzen saiatu izanak . Hilabete luzeetako presioaren ondoren TV3k dokumentala emititzea lortu zuen. Hala ere, Bartzelonako lehen auzialdiko epaitegiak dokumentaleko bost minutu zentsuratu zituen[2].

2015eko urtarrilaren 19an, fiskalak adierazi zuen 'Ciutat morta' dokumentalarengatik ezin zela '4F auzia' berriz ireki[3].

Urtarrilaren 23an, CUPek bultzatuta Ciutat morta dokumentaleko datuetan oinarrituta, auzia berriz irekitzea onartu zuen Kataluniako Parlamentuak[4].

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Ciutat Morta Aldatu lotura Wikidatan