Mònica Terribas

Wikipedia, Entziklopedia askea
Jump to navigation Jump to search
Mònica Terribas
Mònica Terribas 2017.jpg
(2017)
TVC.svg
Q48327671 Itzuli

2008 - 2012
Francesc Escribano i Royo (en) Itzuli - Eugeni Sallent i Garriga (en) Itzuli
Bizitza
Izen osoa Mònica Terribas i Sala
Jaiotza Bartzelona1968ko urtarrilaren 16a (52 urte)
Herrialdea  Katalunia
Lehen hizkuntza katalana
Familia
Ezkontidea(k) Q63437797 Itzuli
Hezkuntza
Heziketa Bartzelonako Unibertsitate Autonomoa
(1986 - 1991) Q43236300 Itzuli
University of Stirling (en) Itzuli
(1990 - 1994) doktoretza
Hizkuntzak gaztelania
katalana
ingelesa
Jarduerak
Jarduerak kazetaria, unibertsitateko irakaslea, telebista aurkezlea eta gidoilaria
Enplegatzailea(k) Televisió de Catalunya  (1989 -  2012)
Pompeu Fabra Unibertsitatea  (2000 -
Catalunya Ràdio  (2013 -
Jasotako sariak
IMDb nm1802889

Mònica Terribas i Sala (Bartzelona, 1968ko urtarrilaren 16a) kazetari kataluniarra da,[1] eta irakasle titularra Pompeu Fabra Unibertsitatean. 2008tik 2012ra Televisió de Catalunya erakundeko zuzendaria izan zen, eta hurrengo urtean, Ara egunkariko kontseilari ordezkaria eta editorea.[2] 2013ko irailaren 2a ezkero El matí de Catalunya Ràdio irratsaioa zuzendu eta aurkezten du.[3]

Biografia[aldatu | aldatu iturburu kodea]

1991n Kazetaritzan lizentziatu zen Bartzelonako Unibertsitate Autonomoan. 1997an Filosofian egin zen doktore Stirling Unibertsitatean, Eskozian, non lau urtez ikasi baitzuen, British Council erakundeak eta Caixa Fundazioak emandako beka bati esker.

Denboraldi bat egin zuen erredaktore gisa Cadena 13 irratiaren informazio-zerbitzuetan. Hurrengo urtean, 1988an, telebistan hasi zen lanean, Joaquim Maria Puyal kazetariaren taldean. Harrezkero, Kataluniako Telebistaren zenbait saiotan egin du lan koordinatzaile, gidoilari edo zuzendari moduan: La vida en un xip (1989–1991), Tres pics i repicó, Un tomb per la vida (1993–1994), Persones humanes (1994–1996), Som i serem (1995–1996), Avisa'ns quan arribi el 2000 eta Temps era temps. Halaber, zuzendu eta aurkeztu zuen Les dues cares eztabaida-saioa (2002).

Mònica Terribas (bigarrena eskuinetik), El matí de Catalunya Ràdio irratsaioan, 2015ean

2002tik 2008ra lehendabizi aurkeztu eta gero zuzendu zuen La nit al dia informazio eta analisi-saioa Kataluniako Telebistan. 2008ko maiatzean Televisió de Catalunya erakundeko zuzendari izendatu zuten, Francesc Escribanoren ordez, eta kargu horretan izan zen 2012ko apirila arte, orduan Eugeni Sallent kazetariak ordezkatu baitzuen. Urte bereko abuztuan Ara egunkarian hasi zen, kontseilari-ordezkari eta editore moduan. 2013ko uztailean utzi egin zuen kontseilari-ordezkari kargua, baina segitu zuen editore gisa.

2013ko irailaren 2an aro berri bati ekin zion zuzendari legez El matí de Catalunya Ràdio irratsaioan,[4] Manel Fuentes ordezkatuta. 2014an aurkeztu zuen, Quim Masferrer aktorearekin batera, TV3 katearen maratoia bihotzeko gaixotasunen kontra.[5]

Terribas irakasle titularra da Pompeu Fabra Unibertsitatearen Kazetaritza eta Ikus-entzunezko komunikazioa departamentuan, non eskolak ematen baititu Komunikazioaren Teoriaz. 2000tik 2004ra bitartean Kazetaritzako dekano ordea izan zen unibertsitate berean. Pompeu Fabra Unibertsitateko Ikasketa zuzendaritzako kidea da, eta 2001a ezkero, Kataluniako Kazetarien Elkarteko kidea.

Sariak eta aitorpenak[aldatu | aldatu iturburu kodea]

  • Serrat i Bonastre saria, Kataluniako Industria-ingeniarien Elkarteak emana (2002)
  • Kazetaritza Sari Nazionala (2003)
  • Tarragona Hiria komunikazio-saria (2003)
  • Irrati-telebistako profesionalen elkarte espainiarraren saria (2003)
  • Zapping saria informazio-saio onenari eta Zapping saria albistegietako aurkezle onenari (2004)
  • Ramon Llull Unibertsitatearen Komunikazio saria (2004)
  • 1924 Ikus-entzunezko komunikazio saria, Kataluniako Irrati-elkarteak emana (2004)
  • Omnium Cultural saria telebista-saiorik onenari (2005)
  • Bartzelona Hiria Telebista saria (2006)
  • Quim Regàs Kazetaritza saria (2009)
  • Francesc Macià Memoriala (2012)

Erreferentziak[aldatu | aldatu iturburu kodea]

  1. «Mònica Terribas i Sala | enciclopèdia.cat» www.enciclopedia.cat . Noiz kontsultatua: 2020-02-03.
  2. Txantiloi:Ca-ES «L'ARA incorpora la periodista Mònica Terribas com a consellera delegada i editora» Ara.cat 2012-08-02 . Noiz kontsultatua: 2020-02-03.
  3. (Katalanez) Barcelona, EL PERIÓDICO /. (2013-07-31). «Terribas dirigirà 'El matí de Catalunya Ràdio'» elperiodico . Noiz kontsultatua: 2020-02-03.
  4. Txantiloi:Ca-ES «Mònica Terribas dirigirà 'El matí de Catalunya Ràdio'» Ara.cat 2013-07-31 . Noiz kontsultatua: 2020-02-03.
  5. Txantiloi:Ca-ES «Mònica Terribas i Quim Masferrer presentaran 'La Marató' de TV3 d'aquest any» Ara.cat 2014-07-10 . Noiz kontsultatua: 2020-02-03.

Kanpo loturak[aldatu | aldatu iturburu kodea]