Kafe-landare

Kafe-landare
Irudi gehiago
Sailkapen zientifikoa
Erreinua	Plantae
Ordena	Gentianales
Familia	Rubiaceae
Subfamilia	Ixoroideae
Generoa	Coffea L.

Kafe-landarea (Coffea) zuhaitz txiki bat da, Rubiaceae familiakoa, eta haren fruituek kafea egiteko haziak ematen ditu. Kafeak nazioarteko merkatuaren nekazaritza produktu nagusien artean dago. Afrikar eta Arabiar jatorria du, baina gaur egun ekoizpena nagusia Hego Amerikan dago.

Ezaugarriak

Klima tropikaletan mendian edo goi-ordokietan landatzen da.

Kafe-landareak lorea eta hazia aldi berean ematen ditu, adar malguak ditu, hosto iraunkor berde-berdeak eta jasmin usain gozoa darien lore zuriak.

Landareak 12 metroko altuera izan dezake, baina 2 edo 3 metroko altueran mozten da haziak eskuz batu ahal izateko. Landareak loreak eman eta handik 7-9 hilabete bitartean heltzen dira haziak. Fruitua drupa txiki bat da. Landare bakoitzetik kilo erdi eta kilo bat kafe txigortu inguru jaso daiteke, eta barietateren batean bi kilo ere jaso daitezke.

Kafea ez da batzen sasoi berean herrialde guztietan, Kantzer Tropikotik gertu daudenetan urritik otsailera bitartean batzen dute eta Kaprikornio Tropikotik gertu daudenetan, berriz, maiatzetik uztaila bitartean.

Taxonomia, espezieak

Fruituak (Coffea arabica)

• Coffea arabica
  
• Coffea benghalensis
  
• Coffea canephora edo robusta
  
• Coffea congensis
  
• Coffea liberica
  
• Coffea stenophylla

Ikus, gainera

• Kafe

Kanpo estekak

• (Ingelesez) Coffee Research Institute (Ingelesez)
• (Ingelesez) Catálogo de la biodiversidad de Colombia (Gaztelaniaz)
• dossiers.ub.edu (Gaztelaniaz)

• Datuak: Q156354
• Multimedia: Coffea / Q156354
• Espezieak: Coffea