Cystoderma haematites
Cystoderma haematites | |
---|---|
Sailkapen zientifikoa | |
Erreinua | Fungi |
Klasea | Agaricomycetes |
Ordena | Agaricales |
Familia | Agaricaceae |
Generoa | Cystoderma |
Espeziea | Cystoderma haematites P. Konrad & A. Maublanc, 1924
|
Cystoderma haematites Agaricaceae familiako onddo espezie bat da. Jangarritasuna ez da ezagutzen, hobe abstenitzea.
Sinonimoak: Lepiota haematites, Armillaria haematites, Agaricus haematites, Collybia lilacea, Mastoleucomyces haematites.
Deskribapena[aldatu | aldatu iturburu kodea]
Kapela: 2 eta 5 cm bitarteko diametrokoa, ganbila eta pikortsutik lau eta leunera, hasieran ertza oxkarratua, soberakin apur batekin. Kapelaren azala lehorra, matea, gorrixka uniforme kolorekoa (gorri-gibel kolorekoa edo ardo-purpura kolorekoa).
Orriak: Adnatu eta libreen artekoak, estu, gaztetan zurixkak, gero krema-horiz tindatzen dira, gorrixkak eta kapelaren kolorekoak amaieran.
Orri libreak: Oinera hurbiltzen diren orriak, baina ukitzen ez diotenak.
Hanka: 3 eta 7 cm bitarteko garaierakoa, mehea, pikortsua, barnehutsa, pixka bat konkortua oinarrirantz baina bolba gabe, eraztunetik beherantz gorri-ardo kolorekoa (argiagoa goialdetik).
Haragia: Urria, gorri zurbil kolorekoa (horixka ardo kolorekoa hankan). Usainik gabekoa, zaporea erretrogusto mingots samarrekin.
Etimologia: Cystoderma terminoak azala anpuluekin edo garatxoekin dituela esan nahi du.
Jangarritasuna[aldatu | aldatu iturburu kodea]
Ez da jangarria.[1]
Nahasketa arriskua[aldatu | aldatu iturburu kodea]
Cystoderma amianthinum hori-okre kolorekoa da eta hanka mehea du. Cystoderma carcharias gris-gorrixka kolorekoa da eta hanka mehea du. Limacella vinosorubescens handiagoa da (4-7), eta irin usainekoa da
Sasoia eta lekua[aldatu | aldatu iturburu kodea]
Udan eta udazkenean. Talde txikietan. Urria. Izeien eta koniferoen basoetan. Eremu hezeetan, goroldio eta humus artean.
Banaketa eremua[aldatu | aldatu iturburu kodea]
Hungaria, Eskozia, Alemania[2]
Erreferentziak[aldatu | aldatu iturburu kodea]
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia.
- ↑ Cystoderma haematites: GBIF—the Global Biodiversity Information Facility.