Dalkeitheko jauregia

Wikipedia, Entziklopedia askea
Jump to navigation Jump to search
Dalkeitheko jauregia
Dalkeith Palace.jpg
Kokapena
kokapenmapa
Koordenatuak 55° 53′ 58″ N, 3° 04′ 04″ W / 55.899444°N,3.067778°W / 55.899444; -3.067778Koordenatuak: 55° 53′ 58″ N, 3° 04′ 04″ W / 55.899444°N,3.067778°W / 55.899444; -3.067778
Arkitektura
Ondarea

Dalkeitheko jauregia (ingelesez: Dalkeith Palace) Eskoziako Dalkeith herrian dagoen jauregia da, Midlothian eskualdean. Buccleuch dukeen egoitza izan zen.

Historia[aldatu | aldatu iturburu kodea]

XII mendean Graham leinuak eraiki zuen gaztelua eta XIV mendean Douglas familiari saldu zion. XV mendean familia hau Mortongo duke bihurtu zen. 1574an James Douglas Mortongo IV dukeak gaztelua eta jauregia handitu zituen. Mende hartan hainbat aldiz izan zuen errege familiaren bisita eta horregatik deitu izan zitzaion jauregia eta ez gaztelua.

1642an Dougals familiak Francis Scott, Buccleucheko II dukeari saldu zion jauregia. Honen alaba Karlos II.a Ingalaterrakoa eta Eskoziakoaren sasiko semearekin ezkondu zen, baina traizioa leporatuta senarra exekutatu eta Anne Buccleucheko dukesa alargun gelditu zen. Titulua mantentzeko jauregi ederra egitea erabaki zuen eta James Smith arkitekto eskoziarrak 1702an hasi zituen lanak.

1711 urtean bukatu zutenerako dukesak 17.727 libra gastatu zituen. Esate baterako, Richard Neale marmol moztaileak 64 aste pasa zituen bertan lanean bederatzi laguntzailerekin batera, 1709 eta 1711 artean. Ordutik Eskoziako eta Erresuma Batuko hainbat gizon-emakume garrantzitsuk hartu dute bertan ostatu.

1914tik aurrera Buccleuch dukerik ez da bertan bizi izan eta 1985ean Wisconsin–Madison Unibertsitatearekin atzerriko ikasketa programa baterako ituna sinatu zuen. ordutik aurrera 60-80 ikasle amerikarrek seihilekoa igarotzen dute bertan.

Deskribapena[aldatu | aldatu iturburu kodea]

Hareharriz egindako eraikina da. Sarrera hegoaldeko aurpegian dauka eta alboetan zutabe korintiar multzoak ditu. Garai hartarako ezohikoa zen gela antolamendua dauka, apartamentuak behe solairuan daude eta oturuntzatarako gela handia lehenengo solairuan.

Iruditegia[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Dalkeitheko jauregia Aldatu lotura Wikidatan