Debako zentral nuklearra

Debako zentral nuklearra
Mendata punta, zentral nuklearra eraiki nahi zuten gunea
Informazio orokorra
Koordenatuak	43°17′44″N 2°19′04″W
Udalerria	Deba Euskal Herria
Energia mota	Zentral nuklearra
Jabea	Iberdrola
Potentzia
Erreaktoreak martxan	0
Kapazitatea	2000 MW
Funtzionamendua
Egoera	Eraiki gabe
Talde kopurua	2
Erregaia	Uranio aberastua
Bestelakoak	Proiektu baztertua

Debako zentral nuklearra 1970eko hamarkadan Iberduero (gaur egungo Iberdrola) enpresak Gipuzkoako Deba udalerriko Mendata lurmuturrean eraiki behar zen zentral nuklear baten proiektua izan zen.

Zentralaren garapena

Proiektuak 1.000 MWko potentziako bi talde aurreikusten zituen Mendata punta inguruan, Itxaspe eta Elorriaga auzoen artean, eta zentraletik kilometro batera urtegi bat eraiki behar zuten zentrala hozteko. I. erreaktorea 1981 eta 1982 urteren bitartean jarriko zen martxan, eta II.a 1983an. Guztira, zentralaren eremuak kostaldeko 700 metro eta 300.000m²ko azalera beteko zituen.

Proiektua gauzatzeko nahian arduradunak lursailak behatu eta erosten hasi ziren, eta ordurako zentral nuklearraren kontrako herritarren mugimenduak jaiota zeuden. Bestalde, 1976ko apirilaren 27an Gipuzkoako Aldundiak txosten bat ezagutarazi zuen, zeinetan azaltzen baitzen kokapena ez zela zentral nuklear bat eraikitzeko egokia.

Hainbat erakundek, administraziok eta herritarrek Euskal Kostalde Ez Nuklearraren Aldeko Batzordea eratu zuten, eta 1984an bertan behera geratu zenean Lemoizko zentral nuklearra martxan jartzea, Iberduerok uko egin behar izan zion Debako eta Ispasterko zentral nuklearrak eraikitzeko asmoari.

Plangintza nuklearreko beste zentralak Euskal Herrian

• Lemoizko zentral nuklearra
• Ispasterko zentral nuklearra
• Tuterako zentral nuklearra

Ikus, gainera

• Ez, eskerrik asko! Gladysen leihoa dokumentala

Kanpo estekak

• (Gaztelaniaz) Aranzadi Zientzia Elakarteak egindako Debako zentral nuklearraren kontrako txostena
• (Gaztelaniaz) Lemóniz, la central fantasma dokumentala

• Datuak: Q12256119