Dee Dee Blancharden hilketa

Wikipedia, Entziklopedia askea
 Orrialde hau euskara ikasten ari den lankide batek egin du
Euskaraz dakien lankide batek testua zuzendu eta erroreak egileari irakatsi ahal dizkio
Dee Dee Blancharden hilketa
Map
Motagertaera
erailketa
Data2015eko ekaina
KokalekuSpringfield (Missouri)
HerrialdeaAmeriketako Estatu Batuak
Parte-hartzaileak
Pertsona hilak1
Pertsona zaurituak0

Dee Dee Blancharden auziak 2015eko ekainean izandako pertsona horren hilketaren auziari egiten dio erreferentzia. 2015eko ekainaren 14an, AEBetako Greene konderriaren (Missouri) sheriffeko diputatuek Clauddine (Dee Dee) Blancharden gorpua aurkitu zuten Springfielden kanpoaldean, haren etxeko logeletako batean[1]. Dee Deeren alaba, Gypsy Rose, ez zegoen etxean. Dee Deeren arabera, Gypsy Rose goiztiarra jaio zen eta hainbat gaixotasun kroniko zituen, besteak beste, leuzemia, asma eta muskulu-distrofia, eta "7 urteko ume baten gaitasun intelektuala" zuen. Gypsy Roseren gurpil-aulkia eta sendagaiak etxean zeuden oraindik. Neska bahitu zitekeela iradoki zuten bizilagunek. Biharamunean, poliziak Gypsy Rose eta Nicholas Godejohn bere mutil-laguna aurkitu zituen Wisconsinen. Heldu bat zela eta Dee Deek esandako osasun fisiko eta psikikoko arazorik ez zuela iragarri zutenean ikertzaileek, haserre publikoa Gypsy Roserekiko sinpatiaz ordezkatu zen[2].

Dee Deek alaba benetan zena baino gazteagoa zen eta gaixotasun kronikoak zituen bezala jokarazi zuen. Tratu txarra jasan zuen ume batek gurasoa hil zuen lehen kasua izan zela adierazi zuen Marc Feldman nahaste faktikoetan nazioarteko adituak[3]. Gypsy Rosek bigarren graduko hilketa egotzita deklaratu zuen eta 10 urteko zigorra betetzen ari da[4]. 2018ko azaroan epaiketa labur baten ondoren, Nicholas Godejohn lehen graduko hilketagatik epaitu zuten eta bizi osorako espetxe zigorra ezarri zioten baldintzapeko askatasunerako aukerarik gabe[5].

Dee Dee Blancharden biografia[aldatu | aldatu iturburu kodea]

Gaztaroa eta ezkontza[aldatu | aldatu iturburu kodea]

Jaiotzean, Clauddine Pitre izena jarri zioten. Chackbayen jaio zen, Louisiana estatuan,1967an, eta Golden Meadowen hazi zen[6]. Claude Anthony Pitre eta Emma Lois Gisclairren bost seme-alabetako bat izan zen[7].

Gaztetan, erizain laguntzaile lanetan aritu zen[2]. Senideek gogoratu zuten familiari lapurtzeko ohitura zuela[8]. Gainera, susmoa adierazi zuten 1997an Clauddinek bere ama hil zezakeela janaria ukatuz[8].

24 urterekin, haurdun geratu zen. Haurraren aita Rod Blanchard zen, 17 urte zituena. 1991ko uztailean, Gypsy Rose jaio baino apur bat lehenago, Rod "arrazoi okerrengatik ezkondu zela" konturatu zenean banandu ziren. Clauddinek alaba jaioberria bere familiarekin bizitzera eraman zuen[2].

Gypsy Roseren haurtzaroa[aldatu | aldatu iturburu kodea]

Rodek esandakoaren arabera, Gypsyk hiru hilabete zituenerako, Clauddinek sinetsita zegoen umeak loaldiko apnea zuela eta ospitalera eramaten hasi zen, baina ez zuten gaixotasunaren arrastorik aurkitu. Geroago, konbentzitu zen Gypsyk osasun arazo ugari zituela, eta zehaztu gabeko nahaste kromosomiko bati egotzi zizkion[2]. Momentu jakin batean, esan zuen Gypsyk muskulu-distrofia zuela, eta eskorga erabiltzera behartu zuen[9].

Gypsyk adierazi zuenez, 7 edo 8 urterekin, aitonaren motorrean zihoala istripu txiki bat izan zutenean belaunean urradura bat lortu zuen, eta amak esan zion erabili beharko zuen gurpil-aulki bat eman ziotela medikuek[9].

Badirudi Gypsy Rosek bigarren mailaren ostean eskolara joateari utzi ziola[4], bertsio batzuen arabera haurtzaindegian ere[1]. Amak etxean irakasten zion (gerora uste zen hau Gypsy isolatzeko saiakera bat izan zela tratu txarrak areagotzeko). Gypsyk bere burua irakatsi zuen irakurtzen Harry Potterren liburuetatik[4].

Rod berriro ezkondu zen bitartean, Clauddine bere aitarekin eta amaordearekin bizitzera joan zen. Geroago esan zuten amaordearentzat janaria prestatzerakoan, Clauddinek pozoitu egin zuela, eta bere gaixotasun kronikoa eragin zuen[10]. Denbora horretan, hainbat delitu arinengatik atxilotu zuten, txeke faltsuak egitea barne[2]. Pitres familiako kideak Gypsyri emandako tratamenduari buruz aldian-aldian aurre egiten hasi zirenean eta amaordearen osasun-arazoari buruzko susmoa adierazi ziotenean, Clauddine Slidell hirira joan zen Gypsyrekin. Handik gutxira amaordea ondo jarri zen[10].

Slidellen, etxebizitza publiko batean bizi ziren. Denbora gehiena hainbat espezialista bisitatzen eman zuten, tratamendua bilatzen. Biopsiak muskulu-distrofia zantzurik aurkitu ez zuen arren, Clauddinek arrakasta izan zuen alabaren ustezko beste arazo batzuetarako tratamendua lortzen. Hilabete gutxiro Gypsyk krisiak zituela esan zienean medikuei, epilepsia-kontrakok agindu zizkioten. Denbora horretan hainbat ebakuntza egin zizkioten eta Clauddinek aldizka Gypsy larrialdietara eramaten zuen gaitz arinengatik[2].

2005eko abuztuan Katrina urakanak eremua suntsitu ondoren, Clauddine eta Gypsyk euren hondatutako apartamentua utzi zuten Covington-en pertsona desgaituentzat ezarri zen aterpe baterako. Clauddinek esan zuen Gypsyren mediku-erregistroak eta jaiotze-agiria suntsitu egin zirela uholdeetan. Mediku batek Missourira itzultzea proposatu zion eta hurrengo hilabetean hara eraman zituzten hegazkinez[2].

Missourira mugitzea[aldatu | aldatu iturburu kodea]

Hasieran Clauddine eta Gypsy Aurorako alokairu batean bizi ziren, estatuko hego-mendebaldean. Katrina urakanatik ihes egitera behartutako ama-alaben baten istorioak arreta handia jaso zuen tokiko hedabideetan, eta askok saiatzen ziren garai hartan Clauddinnea (edota Dee Dee) Blancharde izena erabiltzen zuen emakumeari laguntzen[2].

Rod Blanchardek hilero 1.200 dolarreko ordainketa egiten jarraitu zuen, baita Gypsyri opariak bidaltzen eta noizean behin telefonoz hitz egiten (dei batean, Gypsyren 18. urtebetetzean, Dee Deek benetako adina ez aipatzeko eskatzea gogoratu zuen, "14 urte dituela uste duelako")[2]. Rod eta bere bigarren emazteak aldizka Springfieldera joatea espero zuten, baina hainbat arrazoirengatik, Dee Deek planak aldatu zituen. Springfieldeko bizilagunei esan zien Gypsy Roseren aita drogazale eta alkoholzale bat zela, alabaren osasun-arazoekin sekula konpontzen ez zela eta ez zien inoiz dirurik bidali[2].

Gypsyk sarritan ileordeak edo kapelak janzten zituen bere burusoiltasuna estaltzeko. Amak aldizka mozten zion ilea kimioterapiako paziente baten itxura imitatzeko. Etxetik irteten zirenean, Dee Deek oxigeno depositua eta elikadura-kateterra eramaten zituen; Gypsy haurrentzako PediaSure nutrizio osagarri likidoaz elikatzen zen 20 urte arte[2].

Dee Deek tratu txar fisikoa erabiltzen zuen Gypsy kontrolatzeko, beti eskutik helduta besteen aurrean. Biak bakarrik zeudenean, esku zabalik edo esekigailu batekin jotzen zuen[8].

Iruzurraren susmoak[aldatu | aldatu iturburu kodea]

Bernardo Flasterstein, Springfielden Gypsy ikusi zuen neurologo pediatrikoak, diagnostikoari buruzko iruzurra susmatu zuen. Erresonantzia magnetikoa eta odol-analisiak agindu zituen anomaliarik aurkitu gabe. "Ez dut ikusten arrazoirik ez ibiltzeko", esan zion Dee Deeri bisita batean, Gypsy zutik eta bere pisuari eusten ikusi ondoren[2]. Gypsyren New Orleanseko medikuekin harremanetan jarri ondoren, jatorrizko muskulu-biopsia negatiboa itzuli zela jakin zuen. Flastersteinen oharrak eskuratu ondoren, Dee Deek Gypsy hura ikustera hartzeari utzi zion[2]. Flastersteinek ez zuen Dee Deeren berri eman gizarte-zerbitzuei. Agintariek sinetsiko zutela zalantzan zegoela esan zuen[2].

2009an, deitzaile anonimo batek poliziari esan zion Dee Deek eta Gypsyk izen eta jaiotze-data desberdinak erabiltzen zutela, eta Gypsyk esandakoa baino osasun hobea zuela. Egiaztapena egin zuten ofizialek Dee Deeren azalpena onartu zuten eta jakinarazi zuten Gypsyk zinez adimen-desgaitasuna zuela zirudien. Kasua itxi egin zen[2].

Gypsyren independentzia gero eta handiagoa[aldatu | aldatu iturburu kodea]

Badirudi Dee Deek gutxienez behin faltsutu zuela alabaren jaiotze-ziurtagiriaren kopia, eta jaiotze-data aldatu zuela oraindik nerabea zela aldarrikapenak indartzeko; Gypsyk geroagoko elkarrizketa batean esan zuen 15 urterekin ez zegoela ziur bere benetako adinaz[11]. Dee Deek beste kopia bat gorde zuen benetako jaiotze-datarekin. Gypsyk ospitaleko bisitetan ikusi zuela gogoratu zuen; Dee Deek esan zion oker inprimatu bat zela[12].

2001az geroztik, Gypsy zientzia-fikzioaren zaleen ekitaldietan parte hartzen hasi zen. 2011ko ekitaldi batean, amak hoteleko gela batean aurkitu zuen Interneten ezagututako gizon batekin amaitu zen ihes saiakera izan zitekeena egin zuen ihes-saiakera egin ondoren, eta poliziari jakinaraziko zuela mehatxatu zuen[2]. Gero Gypsyk gogoratu zuen, amak bere ordenagailua mailu batekin apurtu zuela eta inoiz berriro ihes egiten saiatzen bazen behatzetan gauza bera egingo zuela mehatxatu zuela. Gainera, Gypsyri esan zion poliziari tramiteak aurkeztu zizkiola adimen-urritasuna zuela esanez, eta sinetsarazi zion poliziarengana laguntza eske joaten saiatzen bazen, ez ziotela sinetsiko[4].

2012 inguruan, Gypsyk Interneten jarri zuen harremanetan Nicholas Godejohnekin (haren arabera, komunitate kristau batean elkar ezagutu zuten)[2]. Godejohnek aurrekari penalak zituen jokabide lizunagatik[8].

2014an, Gypsyk Aleah Woodmansee 23 urteko bizilagunari esan zion berak eta Godejohnek ezkutuan ezkontzea erabaki zutela. Woodmansee saiatu zen berari uko egiten[2]. Gypsyren planak "fantasiak eta ametsak" besterik ez zituen hartzen. Dee Deek Internet erabiltzea eragozteko ahaleginak egin zituen arren, alabaren telefonoa eta ordenagailu eramangarria suntsitzeraino iritsi zen arren, Gypsyk Godejohnekin harremana mantendu zuen 2014ra arte[2].

Hurrengo urtean, pertsonalki ezagutu zuten elkar. Godejohnek esan zuen bezala, lehen aldiz aurrez aurre ezagutu bezain laster, Gypsyk komunera eraman zuen, eta bertan amodioa egin zuten[8]. Biek Interneten elkarrekintzan jarraitu zuten eta Dee Dee hiltzeko plana garatzen hasi ziren[2].

Hilketa[aldatu | aldatu iturburu kodea]

Godejohn Springfieldera itzuli zen 2015eko ekainean, Gypsy eta Dee Dee medikuaren hitzordu batean zeuden bitartean. Etxera itzuli eta Dee Dee lotara joan ondoren, etxean sartu zen. Gypsyk zinta itsasgarria, eskularruak eta labana eman zizkion[11].

Gypsy komunean ezkutatu zen eta belarriak estali zituen, ama oihuka entzun ez zezan. Godejohnek 17 labankada eman zion bizkarrean lo zegoen bitartean[8]. Ondoren, biek amodioa egin zituzten Gypsyren gelan[11]. Springfield kanpoaldeko motel batera ihes egin zuten eta bertan egon ziren egun batzuetan[13]. Tarte horretan, hainbat saltokitako segurtasun-kameretan ikusi zituzten. Gypsyk esan zuen bezala, une horretan uste zuen ihes egitea lortu zutela[11]. Hilketa-arma Godejohnen etxera bidali zuten harekin harrapatzea saihesteko[14]. Greyhound geltokira bidean ikusi zuten hainbat lekuko konturatu ziren Gypsyk ileordea zeramala eta laguntzarik gabe ibiltzen zela[1].

Ikerketa eta atxiloketak[aldatu | aldatu iturburu kodea]

Dee Deeren Facebookeko profilean mezu kezkagarria ikusi ondoren, lagunek zerbait ez zegoela ondo susmatu zuten. Deiak erantzun gabe geratu zirenean, hainbat lagun Dee Deeren etxera joan ziren[2].

Inork ez zuen atea ireki, eta, beraz, lagunek poliziari deitu zioten[2]. Etxean sartu bezain laster aurkitu zuten Dee Deeren gorpua. GoFundMe kontu bat sortu zen bere hileta-gastuak ordaintzeko. Blanchard familia ezagutzen zuten guztiek okerrenaren beldur ziren; nahiz eta Gypsy Rose kaltetu ez izan, uste zuten ezin izango zuela bere gurpil-aulkirik, sendagairik eta bestelako ekipamendurik gabe bizi[2].

Woodmanseek poliziei Gypsyri eta bere mutil-lagun sekretuari buruz zekiena kontatu zion. Informazio horretan oinarrituta, poliziak Facebook enpresari eskatu zion Dee Deeren IP helbidearen trazatzea. Mezua Wisconsinen idatzita zegoela ikusi zuten, eta hurrengo egunean Waukesha konderriko polizia agentziek Godejohns familiaren etxea miatu zuten.

Springfieldeko hedabideek Blanchard familiaren bizitzaren egiaren berri eman zuten laster: Gypsy ez zela inoiz gaixorik egon eta beti ibili ahal izan zela, baina amak itxurak egitera behartzen zuen[2][15], tratu txar fisikoak erabiliz kontrolatzeko[8].

Epaiketak[aldatu | aldatu iturburu kodea]

Lehen graduko hilketaren akusazioa Missouriko legearen arabera heriotza-zigorra edo baldintzapeko bizitza osorako zigorra izan dezakeen arren, Dan Patterson konderriko fiskalak laster iragarri zuen ez zuela eskatuko ez Gypsyrentzat ez Godejohnentzat, kasua "aparteko eta ezohikotzat" joz[1]. Abokatuak Louisianatik mediku-erregistroak lortu ondoren, bigarren graduko hilketari buruzko akordioa lortu zuen Gypsyrentzat. 2015eko uztailean, 10 urteko zigorra ezarri zioten[2].

Godejohnek oraindik akusazio gogorragoari aurre egin zion fiskalek hilketa konplota abiatu zuela esan baitzuen, eta bai berak eta bai Gypsyk onartu zuten bera zela Dee Dee hil zuena. 2017ko urtarrilean, bere epaiketa atzeratu egin zen bigarren azterketa psikiatriko bat eskatu zutenean; abokatuek diote 82ko adimen-kozientea duela eta autismoaren espektroan dagoela[16].

2017ko abenduan, epaileak Godejohnen epaiketa 2018ko azarorako ezarri zuen[17]. Godejohn lehen mailako hilketa eta ekintza kriminal armatuaren erruduntzat jo zuten[5]. 2019ko otsailean, bizi osorako espetxe zigorra ezarri zioten[18].

Ondorioak eta erreakzioak[aldatu | aldatu iturburu kodea]

Blanchardtarren bizilagunak harrituta geratu ziren Gypsyren gaixotasunak asmatuak zirela jakitean. 60 pertsona baino gehiago parte hartu zuten Dee Deeren oroimen-zerimonian gorpua aurkitu zuten gauean[15].

Dee Deeren Louisianako familia ez zen bere heriotza damutu. Horietako inork ez zuen bere hileta ordaindu, eta bere aitak eta amaordeak errautsak bota zituzten komunera[4][8]. Gypsyren aitak barkatzaileagoa bezala jokatu zuen. "Uste dut Dee Deeren arazoa gezur sare bat sortzea, eta ondoren ez ihes egitea zela", esan zion. Pozik jarri zen Gypsy ibiltzen ikusi zuen lehen aldian[2].

Gypsy Missouriko Chillicothe zentroan zigorra betetzen ari da[19]. 2022ko ekainaren 27an, Ryan Scott Andersonekin ezkondu zen[20][21].

Kulturan[aldatu | aldatu iturburu kodea]

The Act telesaila Dee Dee Blancharden hilketan oinarritzen da[22].

Erreferentziak[aldatu | aldatu iturburu kodea]

  1. ↑ a b c d (Ingelesez) Keegan, Harrison. (2017). «Everything you need to know about Dee Dee and Gypsy Rose Blanchard» Springfield News-Leader.
  2. ↑ a b c d e f g h i j k l m n o p q r s t u v w x y z (Ingelesez) Dean, Michelle. (2016). «Dee Dee Wanted Her Daughter To Be Sick, Gypsy Wanted Her Mom Murdered» BuzzFeed.
  3. ↑ (Ingelesez) Keegan, Harrison. (2016). «Munchausen expert says Gypsy Blanchard case is unprecedented» Springfield News-Leader.
  4. ↑ a b c d e (Ingelesez) Barcella, Laura. (2017). «'Mommy Dead and Dearest' Doc on Gypsy Blanchard: What We Learned» Rolling Stone.
  5. ↑ a b (Ingelesez) Keegan, Harrison. (2018). «Nicholas Godejohn found guilty in Dee Dee Blanchard murder» Springfield News-Leader.
  6. ↑ (Ingelesez) Silvey, Jennifer. (2018). «Wisconsin man convicted in stabbing a mother who forced her daughter to feign illnesses» Fox 4.
  7. ↑ (Ingelesez) Obituaries of JUNE 1997 Thibodaux, Lafourche Parish, La. .
  8. ↑ a b c d e f g h (Ingelesez) Jung, Helin. (2017). «The 10 Most Disturbing Reveals From HBO's True-Crime Documentary Mommy Dead and Dearest» Cosmopolitan.
  9. ↑ a b (Ingelesez) Flinders, Polly. (2017). «Gypsy Rose Blanchard Claims Mom Convinced Everyone She Was Ill and Disabled Since Childhood» Yahoo!News.
  10. ↑ a b (Ingelesez) Bowman, Sabienna. (2017). «This 'Mommy Dead & Dearest' Detail Is So Unsettling» Bustle.
  11. ↑ a b c d (Ingelesez) Diaz, Joseph; Smith, Jenner; Valiente, Alexa. (2018). «How a young woman forced to used a wheel chair, treated for several illnesses ended up in prison for her mother's murder» ABC News.
  12. ↑ (Ingelesez) Kirkland, Justin. (2019). «Everything You Need to Know About Hulu's Emmy-Nominated The Act and Gypsy Rose Blanchard» Esquire.
  13. ↑ (Ingelesez) Sokmensuer, Harriet. (2017). «Inside the Online Romance That Led an Abused Girl to Kill Her Mom and Escape Her Life of Lies» People.
  14. ↑ (Ingelesez) Keegan, Harrison. (2015). «That knife Blancharde suspect said he mailed to Wisconsin? Search turns up envelope. And $4,400» Springfield News-Leader.
  15. ↑ a b (Ingelesez) Keegan, Harrison. (2015). «'She can walk': Murder suspect Gypsy Rose Blanchard investigated for fraud» Springfiels News-Leader.
  16. ↑ (Ingelesez) Mire, Bridget. (2017). «Trial delayed in Chackbay native's slaying» Houma Today.
  17. ↑ (Ingelesez) Keegan, Harrison. (2017). «Judge sets trial date for next year in Nicholas Godejohn case» Springfield News-Leader.
  18. ↑ (Ingelesez) Keegan, Harrison. (2019). «Nicholas Godejohn sentenced to life in prison for Blanchard murder in Greene County» Springfield News-Leader.
  19. ↑ (Ingelesez) «Missouri Department of Corrections Offender Search» Missouri Department of Corrections.
  20. ↑ (Ingelesez) Mehta, Meenal. (2022). «Gypsy Rose Blanchard Weds Ryan Scott Anderson Amid 10-Year Prison Sentence» The Teal Mango.
  21. ↑ (Ingelesez) Nguyen, Tony. (2022). «Gypsy Rose Blanchard is now married despite still being in prison» Fox 4.
  22. ↑ (Ingelesez) Harnick, Chris. «The Trailer for Hulu's Gypsy Blanchard Series The Act Will Leave You Shook» E-News 2019-03-04 (Noiz kontsultatua: 2023-08-16).

Kanpo estekak[aldatu | aldatu iturburu kodea]

"https://eu.wikipedia.org/w/index.php?title=Dee_Dee_Blancharden_hilketa&oldid=9384971"(e)tik eskuratuta