Dyatlov Pasabideko Gertakaria

Wikipedia, Entziklopedia askea
Dyatlov Pasabideko Gertakaria
Motaincident (en) Itzuli
istripu
Honen izena daramaIgor Alekseyevich Dyatlov (en) Itzuli eta Dyatlov Pass (en) Itzuli
Data1959ko otsailaren 2a
KokalekuNorth Urals (en) Itzuli
Dyatlov Pass (en) Itzuli
HerrialdeaSobietar Errepublika Sozialisten Batasuna
BiktimaIgor Alekseyevich Dyatlov (en) Itzuli (lider)
Pertsona hilak9
Pertsona zaurituak0
Bizirik irten direnen kopurua0

Dyatlov Pasabideko gertakaria ( errusieraz: Ги́бель тургру́ппы Дя́тлова) 1959ko otsailaren 1aren eta 2aren artean Ural mendien iparraldean, orduko Sobietar Batasuneko bederatzi mendizaleren heriotza misteriotsua izan zen.

Uraleko Institutu Politeknikoko esperientzia handiko mendizaleek Kholat Siakhl mendiaren tontorretik gertu kanpamentua ezarri zuten, egun Igor Diatlov taldeko buruaren omenezko izena daukan lekuan. Gauean, arrazoi ezezagunengatik, labanaz kanping-denda barrukaldetik sastakatu eta kanpalekutik kanpora atera ziren bederatziak. Kanpalekutik ihes egin zuten, gehienek arropa gutxirekin eta oinutsik, kanpalekuaren inguruko elur-ekaitz astunera. Momentu horretan, kanpaleku inguruan -25 °C eta -30 °C arteko tenperatura zegoela estimatzen da.

Otsaiaren 26an aurkitu zituzten taldekideen gorpuak. Sobietar Batasuneko agintariek gauzatutako ikerketa batek ebatzi zuen sei hipotermiak jota hil zirela eta beste hiruk traumatismo fisiko bortitzen zeinuak agertu zituztela. Biktima batek burezurra frakturatuta zuen; Beste bik bularreko haustura oso larriak jasan zituzten. Taldeko kide baten gorpuari mihia eta begiak falta zitzaizkion. Ikerketak ondorioztatu zuen "indar ezezagun bortitza" izan zela heriotzak eragin zituena. Hainbat teoria sortu dira azaldu gabeko heriotzak argitzeko: animalien erasoak, mansien erasoa, hipotermiaren eragin fisiko eta psikologikoak, elur-jausiak , infrasoinuek eragindako panikoa eta militarren parte-hartzea besteak beste.

2019an Errusiak ikerketa berria ireki zuen gertakaria argitzeko, eta bere ondorioak 2020ko uztailean aurkeztu diren: elur-jauzia izan zen heriotzak eragin zituela. Elur-jauziari biziraun ziotenek euren kanpin-dendak azkar utzi behar izan zituzten, arropa egokirik gabe eta bisibilitate eskasarekin; horiek hipotermiaren ondorioz hil ziren[1]. 2021ean, Frozen II filma egiteko erabilitako teknologiaren bidez[2], proposatu zen lauza moduko elur-jauzi bat izan zitekeela zauriak azaltzeko modua[3].


Hildakoak[aldatu | aldatu iturburu kodea]

Espedizioko kideak
Izena Errusierazko izena Jaiotze data Adina Generoa Oharrak Ref.
Igor Alekseyevich Dyatlov Игорь Алексеевич Дятлов 1936ko urtarrilaren 13a 23 Gizonezkoa Taldeko liderra [4]
Yuri Nikolayevich Doroshenko Юрий Николаевич Дорошенко 1938ko urtarrilaren 29a 21 Gizonezkoa [4]
Lyudmila Alexandrovna Dubinina Людмила Александровна Дубинина 1938ko maiatzaren 12a 20 Emakumezkoa [4]
Yuri (Georgiy) Alexeyevich Krivonischenko Юрий (Георгий) Алексеевич Кривонищенко 1935eko otsailaren 7a 23 Gizonezkoa [4]
Alexander Sergeyevich Kolevatov Александр Сергеевич Колеватов 1934ko azaroaren 16a 24 Gizonezkoa [4]
Zinaida Alekseevna Kolmogorova Зинаида Алексеевна Колмогорова 1937ko urtarrilaren 12a 22 Emakumezkoa [4]
Rustem Vladimirovich Slobodin Рустем Владимирович Слободин 1936ko urtarrilaren 11a 23 Gizonezkoa [4]
Nikolai Vladimirovich Thibeaux-Brignolles Николай Владимирович Тибо-Бриньоль 1935eko uztailaren 5a 23 Gizonezkoa
Semyon (Alexander) Alekseevich Zolotaryov Семён (Александр) Алексеевич Золотарёв 1921eko otsailaren 2a 38 Gizonezkoa [5]
Yuri Yefimovich Yudin Юрий Ефимович Юдин 1937ko uztailaren 19a 21 Gizonezkoa Bizirik atera zen espediziokide bakarra. Ondoez batengatik espedizioa utzi zuen urtarrilaren 28an. [6]

Erreferentziak[aldatu | aldatu iturburu kodea]

  1. (Ingelesez) Devitt, Polina. (2020-07-11). «Russia blames avalanche for 1959 Urals mountain tragedy, RIA agency reports» Reuters (Noiz kontsultatua: 2021-01-31).
  2. (Ingelesez) «Has science solved one of history’s greatest adventure mysteries?» Science 2021-01-28 (Noiz kontsultatua: 2021-01-31).
  3. (Ingelesez) «A New Study Has Revealed the Best Theory Yet for the Dyatlov Pass Incident» www.vice.com (Noiz kontsultatua: 2021-01-31).
  4. a b c d e f g Eichar 2013, 265 orr. .
  5. Eichar 2013, 266 orr. .
  6. (Errusieraz) «Умер единственный выживший участник похода группы Дятлова» Российская газета (Noiz kontsultatua: 2021-01-31).

Bibliografia[aldatu | aldatu iturburu kodea]

Kanpo estekak[aldatu | aldatu iturburu kodea]