El Papus

Wikipedia, Entziklopedia askea
Jump to navigation Jump to search
El Papus
Mota Umore
Fitxa teknikoa
Lehen zenbakia 1973ko urriaren 20
Azken alea 1986
Hizkuntza Gaztelania
Argitaratze lekua Bartzelona
Formatua lau desberdinak izan zituen:25x32,5 zm.,26x24,25,5x33,5 eta 23,5x31
Argitaletxea Elf Ediciones, Amaika Ediciones 45.zenbakitik.
Banaketa
Banatze-eremua Espainia
Maiztasuna astekaria
Historia
Ideologia Ezkertiarra
Zuzendaria Xavier de Echarri Moltó
Erredaktoreak Manuel Vázquez Montalbán, Maruja Torres, Ramón Berenguer, Román Hazo, ea.

El Papus umorezko aldizkari espainiarra zen. Revista satírica y neurasténica azpitituluaz (Aldizkari satiriko eta neurastenikoa), astekari bezala 1973ko urriaren 20tik 1986 arte. Aldizkariaren sortzailea Xavier de Echarri Moltó izan zen eta hasieran Elf ediciones argitaletxeak kaleratu zuen; 45.zenbakitik ardura hori Ediciones Amaikak hartu zuen. Bere umorea nahiko gogorra eta konprometitua zen eta horregatik mehatxu eta itxiera asko pairatu zituen. Lster kontrakulturaren ikonoa bihurtu zen.[1] 1977ko irailaren 20an Triple A (Alianza Apostólica Anticomunista) eskuinmuturreko talde armatuak aldizkariaren egoitzara lehergailu bat bidali zuen; ondorioz Joan Peñalver atezaina hil zuten eta 17 pertsona zaurituta gelditu ziren.[2] Atentatuaren hurrengo egunean Bartzelonako prentsa guztiak greba egin zuen.[3]

Ezaugarriak[aldatu | aldatu iturburu kodea]

El Papus oso aldizkari kritikoa zen: gobernua, matxismoa, frankistak, puritanismoa, ejerzitoa... hedabidearen kritiken helburuak izaten ziren. Askotan aldizkaria gai monografiko baten inguruan antolatzen zen, esaterako, publizitatea, emakumearen eskubideak, emigrazioa, kutsadura. Estetikoki oso irudi informala zekarren, marrazki itxura ez oso landuaz eta itsusiak, "feismo" barruan. Hizkuntza lotsagabea eta zuzena beste ezaugarri bat zen.

Aldizkari kopuruen aldetik hasierako tiradak 115.000 inguruko alekoak ziren. 1976ko martxoan 400.000 zabaldu zituen. Data horretatik aurrera maldan-beherako prozesua hasi zuen. OJD arabera, hala ere, 1978-1979 urtetan 62.000 ale kaleratzen zituen.[2]

Kronologia[aldatu | aldatu iturburu kodea]

  • 1973ko urriaren 20: lehenengo zenbakia.
  • 1975ko uztailaren 5tik urriaren 25 arte gobenuak ezarritako itxialdia.
  • 1976ko martxoaren 27tik uztailaren 24 arte berriro ere gobenuak ezarritako itxialdia
  • 1977ko irailaren 20: faxistek bidalitako lehengailu-paketea eztanda egin zuen, Joan Peñalver heriotza probokatuz eta 17 pertsona zaurituz.
  • 1978: Yellow Kid saria Luccan.
  • 1986an: Behin betiko itxiera.

Kolaboratzaileak[aldatu | aldatu iturburu kodea]

Idazleak[aldatu | aldatu iturburu kodea]

Komikigileak[aldatu | aldatu iturburu kodea]

Sariak[aldatu | aldatu iturburu kodea]

Erreferentziak[aldatu | aldatu iturburu kodea]

Bibliografia[aldatu | aldatu iturburu kodea]

Ikus, baita ere[aldatu | aldatu iturburu kodea]

Kanpo loturak[aldatu | aldatu iturburu kodea]