Elena Borboikoa

Wikipedia, Entziklopedia askea
Hona jauzi: nabigazioa, Bilatu
Elena Borboikoa
Elena de Borbón y Grecia.jpg
Bizitza
Jaiotza Madril1964ko abenduaren 20a (52 urte)
Herrialdea  Espainia
Familia
Aita Joan Karlos I.a Espainiakoa
Ama Sofia Greziakoa
Ezkontidea(k) Jaime de Marichalar
Seme-alabak
Anai-arrebak
Leinua House of Bourbon (Spain)
Hezkuntza
Heziketa University of Exeter
Hizkuntzak gaztelania
Lanbidea
Jasotako sariak
Signature of Infanta Elena, Duchess of Lugo.jpg

Elena Maria Elisabet Dominika de Silos Borboikoa eta Greziakoa (Madril, 1963ko abenduaren 20a - ) Espainiako infanta izan zen, Joan Karlos I.a erregearen eta bere emazte Sofia Greziakoaren alaba delako. Errege gorentasun (Alteza Real) titulua zegokion, eta 1995etik Lugoko dukesa ere bada. Egun, hirugarrena da Espainiako tronurako oinordekotzan, Leonor eta Sofia bere iloben atzetik.

1995eko martxoaren 18an ezkondu zen, Sevillan, Jaime de Marichalarrekin. Ezkontza horretatik bi seme-alaba izan ditu, tronurako ondorengotzan bere atzetik daudenak jaiotza hurrenkeraren arabera: Felipe Juan Froilán (1998an jaioa) eta Victoria Federica (2000).

2007ko azaroan Errege Etxeak adierazi zuenez, Lugoko dukesak aldi baterako bere senarrarekin bizitzea bertan behera utzi zuen. Época aldizkariak kaleratutakoaren arabera, Infantak bere senarrari kokaina kontsumitzea egozten zion, eta ezkontzaren baliogabetasun kanonikoa eskatu zuen[1]. 2009ko abenduan dibortziatzea adostu zuten, Madrilgo epaitegi batean (sekretupean). 2010eko urtarrilean dibortzio hori ofizialki jaso zen Errege Etxeko erregistroan, eta Jaime Maritxalarri titulu guztiak (Lugoko dukea, tartean) kendu zitzaizkion.

Elena Borboikoa, ikasketaz, irakaslea da, lehen hezkuntzan, atzerriko hizkuntzen gaian. Gaztelaniaz gain, ingelesa eta frantsesa menperatzen dituela diote. MAPFRE fundazioan Gizarte Ekintzako sailean aritu ohi da. Horrez gain, bere aitaren eskariz, errege familiaren ordezkari lanak ere egiten ditu hainbat ekitalditan.

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Elena Borboikoa Aldatu lotura Wikidatan