Erdilari

Itxaso Uriarte, Real Sociedadeko elastikoarekin. Athleticekin ere jokatu zuen, eta euskal herritar emakumezko erdilari ezagunenetakoa da.

Xabi Alonso, Liverpooleko elastikoarekin. Euskal herritar gizonezko erdilarien artean, curriculumik nabarmenena osatu duena, lortutako tituluei begiratuz gero.

Erdilaria zelaiaren erdian jokatzen duen futbolaria da. Bai defentsa lanetan, bai eraso lanetan aritzen dira erdilariak, eta futbol jokalarien artean erdilariak izan ohi dira metro gehien korrika egiten dutenak. Horrenbestez, aparteko erresistentzia behar izaten dute. Besteak beste, haien zeregina da baloiak berreskuratzea, erasoetarako jokaldiak antolatzea edo sortzea, eta baloiaren jabetza mantentzea. Euskal Herrian badira munduan zehar ere ospea lortu duten zenbait erdilari, hala nola Xabi Alonso eta Julen Guerrero.

Erdilari batzuk defentsan moldatzen dira bereziki ongi; beste batzuen onena, ordea, erasoa antolatzea eta erasoetan parte hartzea izaten da. Hartara, jokatzen duten eremuaren eta dituzten ezaugarrien arabera, hainbat erdilari mota bereizten dira: eraso erdilaria, ezkerreko eraso erdilaria, defentsa erdilaria, eskuineko defentsa erdilaria, eta abar.

Ikus, gainera

• Atezain (futbola)
• Atzelari (futbola)
• Aurrelari (futbola)

Kanpo estekak

• Datuak: Q193592
• Multimedia: Association football midfielders / Q193592