Ertzetatik

Ertzetatik
Huntza taldea taldearen trikiti, pop, ska
Argitaratze data	2016
Grabazioa	Higain estudioa (Usurbil)
Iraupena	43'25"
Diskoetxea	Mauka musikagintza

Ertzetatik Huntza taldearen lehenengo diska da, 2016. urtean taldeak argitaratutakoa.

Partaideak

• Josune Arakistain (trikitixa, ahotsa)
• Uxue Amonarriz (panderoa, ahotsa)
• Aitor Huizi (biolina)
• Aitzol Eskisabel (gitarra)
• Inhar Eskisabel (baxua)
• Peru Altube (bateria)

Grabaketa eta abestiak

Taldea 2014 urtean sortu zen Bilboko kaleetan, baina taldekide guztiak gipuzkoarrak dira. Taldearen lehen agerpena 2016ko martxoaren 8an izan zen, Harro gaude kantua plazaratuz. Abesti honekin oholtza gainera salto egin zuten lehen emakumeak omendu zituzten. Hasiera apal honek, ateak ireki zizkien jarraian etorriko ziren kontzertu eta agerraldiei.

2016ko azaroan Aldapan gora kantuaren bideoklipa kaleratu zuten eta arrakasta itzela izan zuen. Haritz Hurreguy soinu teknikariaren eskutik Usurbilgo Higain estudioetan egin zuten lehen diskoaren grabaketa eta Ertzetatik Durangoko Azokan plazaratu zuten. Trikiti doinuak nagusitzen diren arren beste eragin batzuk ere nabari dira, hala nola, pop-rock (Kalabazak eta Hautsetatik), valsa (Zarako apretak), ska-rock (Herri unibertsitatea eta Gaztetxeak bizirik)...

Diskako abesti ezagunenak aipaturiko Aldapan gora kantuaz gain Iñundik iñoare eta Gaztetxeak bizirik izan ziren.

Azala

Taldearen aurkezpen diskoa izanik huntz hosto berde bat agertzen da hondo urdinean.

Kantuen zerrenda

1. Iñundik iñoare
2. Kalabazak
3. Aldapan gora
4. Ipuinetan
5. Zarako apretak
6. Herri Unibertsitatea
7. Hautsetatik
8. Gauerdiko biolinak
9. Gaztetxeak bizirik
10. Harro gaude
11. Beste bat
12. Parent(h)esiak

Kanpo estekak

• Datuak: Q61069815