Euskal Herriko ospakizuna (Antigua, Donostia)

Wikipedia, Entziklopedia askea
Euskal Herriko ospakizuna (Antigua, Donostia)
Darío de Regoyos - Basque Celebration (dance at El Antiguo, San Sebastián) - Google Art Project.jpg
Jatorria
Sortzailea Darío de Regoyos
Sorrera-urtea 1888
Jatorrizko izenburua Basque Celebration (dance at El Antiguo, San Sebastián)
Ezaugarriak
Materiala(k) olio-pintura eta mihisea
Zabalera 1.005 milimetro
Altuera 735 milimetro
Egile-eskubideak jabetza publiko
Deskribapena
Kokapena
Lekua Kataluniako Arte Museo Nazionala
Bilduma Kataluniako Arte Museo Nazionala
Inbentarioa 065614-000

Euskal Herriko ospakizuna (Antigua, Donostia) (gaztelaniaz: Celebración vasca (El Antiguo, San Sebastián) 1890. urtearen inguruan Darío de Regoyosek eginiko margolana da.[1] Asturiar margolariak beti Donostiarekiko sentimendu berezia izan zuen, eta hiria behin baino gehiagotan haren lanen protagonista izan zen. Urte batzuk geroago, 1906an eta 1907an, Regoyos Donostian bizi izan zen, Trueba kaleko 8.ean. Euskal Herriko ohiturak eta pertsonaiak, bestetik ere, bere interesekoak ziren.

Ezaugarriak[aldatu | aldatu iturburu kodea]

Margolan honetan txistulariak eta dantzariak, paisaiarekin batera, protagonistak dira. Hamaika dira azaltzen zaizkigun pertsonaiak, ziur aski festa eguneko erromerian. Lau emakume dantzatzen duten bitartean beste lau begira daude. Eszena hiru gizonekin osatzen da: txistularia, atabala jotzen duen bestea eta begira dagoen hirugarren bat.

Hondoan, pertsonaiek duten garrantzi parekoarekin, Donostiako paisaia ikusten da. Margolanak garaiko Donostiaren gaineko informazioa ematen du: Urgull mendia, eta Parte Zaharra zehaztasun handiz ikus daitezke; atzean ere Ulia dago baina ez hainbeste zehaztasunez. Itsasontzi batzuk badian zehar ere ikus daitezke. Santa Klara uhartea ez da agertzen eta horrek erromeria egin zen tokiari buruzko datuak ematen dizkigu ere bai.

Erreferentziak[aldatu | aldatu iturburu kodea]

Kanpo estekak[aldatu | aldatu iturburu kodea]