San Martin eliza (Ezpeize)

San Martin eliza ;
	Monumentu historikoa
	Ezpeizeko San Martin eliza.; Irudi gehiago
Kokapena
Herrialdea	Euskal Herria
Probintzia	Zuberoa
Herria	Ezpeize-Ündüreine
Koordenatuak	43°16′03″N 0°52′46″W / 43.267542°N 0.879529°W
Historia eta erabilera
Erlijioa	katolizismoa
Elizbarrutia	Baionako elizbarrutia
Arkitektura
Ondarea
Mérimée ID	PA64000069

Ezpeizeko San Martin eliza Ezpeizen (Ezpeize-Ündüreine, Zuberoa) dagoen eliza da. 1925etik aurrera monumentu historiko dago izendaturik^[1]. Eliza, barnean dituen margolanengatik da ezaguna batez ere.

XVIII. mendeko oihal batzuk berritzerakoan, hauen atzean, XVII. mende hasierako beste margolan batzuk agertu ziren, freskoak, Kristoren bizitza adierazten zutenak.^[2] Irudiotan aurpegiera asiarreko hainbat norbanako agertzen diren aldetik, irudi hauek Jesusen Konpainiarekin zerikusia izan dezaketela uste da.^[3]^[4]

Balizko erlazio honek ere azalduko luke jatorrizko irudi hauen ezkutatzea, 1764an Frantziak jesulagunak kanporatu baitzituen eta litekeena da kanporatze honen ondotik jesulagunen ondarea ezabatu nahi izana.^[4]

Margolanen berritzeaz gain, lanetan teilatu berria ere jarri zitzaion elizari, euriaren ondorioz gerta zitezkeen balizko filtrazioak ekiditeko.^[2]

2010eko azaroaren 11an, San Martin egunez, margolanen berritze lanak amaiturik, elizak berriz ireki zituen ateak.^[5]