Done Joanes Bataiatzailearen eliza (Larraine)

Done Joanes Bataiatzailearen eliza (Larraine)
	Monumentu historikoa
	Irudi gehiago
Kokapena
Herrialdea	Euskal Herria
Probintzia	Zuberoa
Herria	Larraine
Koordenatuak	43°01′06″N 0°57′20″W / 43.018456°N 0.955417°W
Historia eta erabilera
Irekiera	1193 (egutegi gregorianoa)
Erlijioa	katolizismoa
Elizbarrutia	Baionako elizbarrutia
Ondarea
Mérimée ID	PA64000051

Done Joanes Bataiatzailearen eliza Larraineko (Basabürüa, Zuberoa) parrokia da, monumentu historiko izendaturik dagoena. 1193. urtean du jatorria, ospitale bateko kapera moduan. Ospitale hau, Sauveladeko abadiako menekoa zen priore-etxea zen. Habearte txiki angeluzuzena, XVI. mendearen erdialdean luzatu zen mendebalderantz eta kanpandorrea gehitu zitzaion, ekialdean laukian sarturiko bi albo-kaperarekin batera. Erlijio gerretan pairaturiko kalteen ondorioz 1655ean konponketa lanak hasi ziren. Frantziar Iraultzaren garaian, eliza abere-bazka biltegi modura erabili izan zen, parrokia bihurtu baino lehen.

Barnean dituen ondasun higigarrien artean, XVI. mendeko prozesio-gurutzea eta XVI. mendeko Ama Birjina eta umearen zurezko estatua dira nabarmenenak, horiek ere babesturik daudelarik.

2003ko abenduaren 16an, monumentu historiko izendatu zuten.^[1]