FC Dinamo Tbilisi

Football Club Dinamo Tbilisi
Sorrera	1925
Futbol zelaia	Dinamo Arena; edukiera: 53.279 lagun; inaugurazioa: 1936 (2006an berriztua)
Presidentea	Roman Pipia
Entrenatzailea	Giorgi Tchiabrishvili
Liga	Georgiako Liga
2025	4.a
Webgunea	Webgune ofiziala

	Etxekoa

	Kanpokoa

Football Club Dinamo Tbilisi (georgieraz თბილისის დინამო, Tbilisis Dinamo) Georgiako talde onena da, Tbilisi hiriburukoa. Georgiako Liga eta Kopa gehien irabazteaz gain Sobietar Batasuneko txapelketak ere irabazi zituen. Bereziki aipatzekoa da 1981ean lorturiko Europako Errekopa.

Historia

Beti izan da Georgiako talderik indartsuena. Sobietar Batasuneko Liga ere irabazi zuen birritan (lehenengoa, 1964an) bai eta beste bost alditan bigarren egin ere. Kopa ere biritan irabazi zuen, baina guztira zortzi aldiz jokatu zuen finala.

1970eko hamarkadan Europako lehiaketetan aritu zen. 1976an SESBeko Kopa irabazi zuen, 1978an Liga eta 1979an berriz ere kopa. Bolada on hori biribiltzeko, Europako Errekopa irabazi zuen. Ekialdeko Alemaniako FC Carl Zeiss Jena gainditu zuen 2-1, Düsseldorfen jokaturiko finalean. Ondoren, Superkopa jokatzea tokatzen zitzaion, baina Liverpool FC -rekin ezin izan zuen data egokirik adostu eta azkenean titulua jokatu gabe geratu zen. Hurrengo urtean, berriz ere final erdietara iritsi zen, baina Standard Lieja belgikarrak utzi zuen finalik gabe, partida biak 1-0 irabazi ondoren. Nodar Akhalkatsi entrenatzailearen eskutik lortu zituen garaipen horiek guztiak.

1990ean Georgiako Liga hasi zen jokatzen. Lehenengo hamar ekitaldiak Dinamok irabazi zituen. Gaur egun bere hemezortzi ligako marka beste edozein talderen oso gainetik dago.

Uniformea





2018-2019





2020





2021-

Palmaresa

Sobietar Batasunean: 4

SESBeko Liga (2): 1964, 1978.
SESBeko Kopa (2): 1976, 1979.

Georgian: 39

Georgiako Liga (19): 1990, 1991, 1992, 1993, 1994, 1995, 1996, 1997, 1998, 1999, 2003, 2005, 2008, 2013, 2014, 2016, 2019, 2020, 2022.
Georgiako Kopa (13): 1992, 1993, 1994, 1995, 1996, 1997, 2003, 2004, 2009, 2013, 2014, 2015, 2016.
Georgiako Superkopa (7): 1996, 1997, 1999, 2005, 2008, 2014, 2015.