Federico García Moliner
| Federico García Moliner | |
|---|---|
| Bizitza | |
| Jaiotza | Borriana, 1930eko martxoaren 4a (94 urte) |
| Herrialdea |  Espainia |
| Hezkuntza | |
| Heziketa | Madrilgo Complutense Unibertsitatea |
| Doktorego ikaslea(k) | Félix Ynduráin Muñoz (en)  |
| Hizkuntzak | gaztelania |
| Jarduerak | |
| Jarduerak | fisikaria eta katedraduna |
| Jasotako sariak | |
| Kidetza | Real Academia Sevillana de Ciencias (en) |
Federico García Moliner (Borriana, Castelló, Espainia, 1930eko martxoaren 4a) fisikaria da.
Bizitza[aldatu | aldatu iturburu kodea]
Madrilgo Complutense Unibertsitatean egin zituen ikasketak. Zientzia Fisikoetako lizentzia atera zuen 1954an, eta doktoregoa, Cambridgeko Unibertsitatean (1958an) eta Madrilgoan (1960an). CSICen hasi zuen ibilbide profesionala, eta Illinoisko Unibertsitateko irakaslea izan zen 1961etik 1964ra. Bestalde, Madrilgo Unibertsitate Autonomoko katedraduna izan zen 1974tik 1979ra. Gai solidoen fisikaren inguruko azterketen aitzindaria izan zen Espainian, eta haren lanek ospe handia izan dute mundu guztian. Bereziki aipatzekoa da Gainazaleko Greenen funtzioak izeneko obra, funtzioen gainezartze-metodoa deskribatzen duena: gai solidoaren propietateak beren atomoen eta elektroien propietateen arabera aztertzen ditu, eta ezinbestekoa da gaur egungo elektronikaren garapenerako. Molinerren ikerketak Espainian eta beste herrialde batzuetan eman dira argitara.
Nabarmentzekoa du, batez ere Introduction to the Theory of Solid Surfaces (1979, Gainazal solidoen teoria) liburua, oinarri-oinarrizko obra solidoen fisika ikasi nahi dutenentzat. 1992an, Ikerketa Zientifiko eta Teknikoko Asturiasko Printzea saria eman zioten egoera solidoko fisikari egindako ekarpenengatik. Gaur egun, Castellóko Jaume I.a Unibertsitateko katedraduna da, eta han segitzen du egitura erdieroale kuantikoei buruz ikertzen.
Erreferentziak[aldatu | aldatu iturburu kodea]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
