Florence Wald

Wikipedia, Entziklopedia askea
Jump to navigation Jump to search
Florence Wald
Bizitza
Jaiotza New York1917ko apirilaren 19a
Herrialdea  Ameriketako Estatu Batuak
Heriotza Branford (Connecticut)2008ko azaroaren 8a (91 urte)
Heriotza modua : eritasuna
Hezkuntza
Heziketa Yale Unibertsitatea
Mount Holyoke College Itzuli
Jarduerak
Jarduerak erizaina
Enplegatzailea(k) Rutgers University Itzuli
Yale Unibertsitatea
Jasotako sariak

Florence Wald edo jaiotzez Florence Sophie Schorske (New York, 1917ko apirilaren 19a – Branford, Connecticut, 2008ko azaroaren 8a) erizain estatubatuarra izan zen, modu zabalduan "AEBetako hospizio mugimenduaren ama"-tzat hartua.

Haurtzaroan, hainbat hilabete igaro zuen ospitalean arnas gaixotasun batengatik. Horrek piztu zion interesa osasungintzan, eta erizaintza ikasketak amaitu zituen Mount Holyoke College-n 1938an eta Yale-n 1941ean. Urteak aurrera, bertako Erizaintza Eskolaren dekanoa bihurtu zen 1959an. Urte hartan bertan Henry Waldekin ezkondu zen.

1963an bere uniberstitatean entzun zuen Cicely Saunders ospetsuaren hitzaldi bat hospizioaren filosofiari buruzkoa, eta eragin handia izan zuen berarengan. Hiru urte gehiago dekanoaren lana utzi zuen eta buru-belarri jarri zen Saunders Ingalaterran egiten ari zena bere herrialdean aplikatzeko. Lan horren ondorioz, 1974an Connecticuteko Hospizioaren sortzaile nagusia izan zen, AEBetako lehenengoa.

Bere azken urteetan, Wald interesatu zen hospizio zainketak presondegietan emateko ideian. 91 urterekin hil zen, eta ordurako AEBetan 3.000 hospizio programa baino gehiago zeuden martxan, urtean 900.000 bat gaixori arreta eskainiz.

Kanpo estekak[aldatu | aldatu iturburu kodea]