Florilegio
Florilegio bat literatura lanen zatiekin osatutako bilduma, antologia edo miszelanea bat da. Hitzaren jatorria latinean dago, florilegium (plurala, florilegia), bi hitzekin osatua: flos ('lorea') eta legere ('bildu', 'hautatu'). Florilegio bat, literalki, lore-sorta bat da, eta zentzu figuratiboan beste lan batzuetatik ateratako zatiekin osatutako bilduma bat. Etimologiaren aldetik antologiaren jatorri berbera du, grezieraz ἀνθολογία.
Erdi Aroan[aldatu | aldatu iturburu kodea]
Erdi Aroko florilegioak Elizako Gurasoek eta beste idazle kristau batzuek idatzitako lanen zatiekin egindako bildumak ziren. Maiz filosofo paganoak sartzen ziren, Aristoteles kasu. Tomas Irlandakoaren Manipulus florum adibide garrantzitsua da, XIV. mendearen hasieran amaitua. Florilegio hauen helburua zen gai, doktrina edo eztabaida batzuekin osatutako zatiak hartzea eta, horrekin, argudioen bilduma bat ilustratzea. Erdi Aroaren ostean lan zientifiko edo literarioen bilduma miszelaneoak aipatzen zituen terminoak.
