Fuentepiña

Fuentepiña
Irudi gehiago
Kokapena
Estatu burujabe	Espainia
Autonomia	Andaluzia
Probintzia	Huelvako probintzia
Koordenatuak	37°15′33″N 6°49′59″W

Fuentepiña Moguer herritik (Huelvako probintzia, Espainia) bi kilometro eskasera dagoen landetxeari deitzen zaio, izen bereko parajean eta "Santa Cruz de Vista Alegre finkan". Lursail horrek garrantzia handia du Juan Ramón Jiménez poetaren biografian zein idazkietan. Adibidez,Platero eta biok bezalako lanetan gogora ekartzen du; liburu horretan poetak Platero asto maitatua Fuentepiñan lurperatzen du, pinu zahar baten ondoan.

Ezaugarriak

"Santa Cruz de Vista Alegre" finkak 14,45 hektarea ditu; pinudi, biltegi-eraikin eta poetaren atseden-etxe zabalak osatzen dute. Bertatik, Moguer herrigunearen ikuspegi ona dago. 2015ean Interes Kulturaleko Ondasun izendatu zuten, Gune Historiko tipologiarekin, etxearen eta Fuentepiñako parajearekin batera. Andaluziako Justizia Auzitegi Nagusiak, 2017ko martxoaren 16ko epaiaren bidez, baliogabetu egin zuen adierazpen hori.

Moguerreko kultura-altxorraren parte izan arren, hainbat frontek mehatxatzen dute gune hori, marrubiren monolaborantzaren eta El Algarrobito industrialdearen zabaltzearen ondorioz. Ingurune hurbila degradatzen ari da.

Gaur egun jabetza pribatua da, Hernández-Pinzón familiarena.

Kanpo estekak

• Datuak: Q5870347
• Multimedia: Fuentepiña / Q5870347