Gerold Späth

Wikipedia, Entziklopedia askea
Jump to navigation Jump to search
Gerold Späth
Rapperswil - Lindenhof - Schloss - Hafen - Dampfschiff Stadt Rapperswil 2014-07-05 17-04-13 (P7800).JPG
Bizitza
Jaiotza Rapperswil Itzuli1939ko urriaren  16a (79 urte)
Herrialdea  Suitza
Hezkuntza
Hizkuntzak alemana
Jarduerak
Jarduerak idazlea eta poeta
Jasotako sariak
Kidetza Bavarian Academy of Fine Arts Itzuli
Genero artistikoa eleberria
IMDb nm1421863

Gerold Späth (Rapperswill, Suitza, 1939ko urriaren 16a) suitzar idazlea da.

Biografia[aldatu | aldatu iturburu kodea]

Merkataritza-ikasketak egin zituen, eta zenbait urtetan familiaren negozio batean aritu zen lanean, idazle gisa hasi baino lehen.

Bere lehen eleberrietan batasun handia sumatzen da formari eta gaiari dagokionez: Unschlecht (1970, Txarra ez); Stimmgänge (1972, Bide adostuak). Eleberri pikareskoaren tradizioan, Späthek itxurazko mikrokosmos bat aurkeztu zuen hiri burges baten irudikapenaren eredu gisa. Eleberriotako elementu nagusiak maitasuna, desira eta bizioa dira. Gizartearen kritika Späthen produkzio osoan zehar agertuko da; bere obraren ardatz nagusia da. Familia burges baten bizitza itxuraz ordenatu eta zuzenaren deskribapenarekin, Späthek alde batera utzi zuen pikareskaren eredua Die heile Hölle (1974, Infernu sakratua) obrarekin, eta forma laburrago baten bila abiatu zen. Bilaketa Commedia obran (1980) gauzatu zuen: gizakiaren heterogeneotasunaren 203 erretratu labur. Lehenengo obretako hizkuntza barrokoa arinduz joan zen; forma ere bai, baina ez zuen haatik indarrik galdu bere deskribapen bizietan.

Beste zenbait lan aipagarri: Barbarswila (1988); Früher am See (1991, Itsasoan goizago); Stilles Gelände am See (1991, Itsasoko lur isilak) eta Das Spiel des Sommers neunundneunzig (1993, 99 urteko udako jolasa).

Erreferentziak[aldatu | aldatu iturburu kodea]