Gertrud Leutenegger

Gertrud Leutenegger
Bizitza
Jaiotza	Schwyz, 1948ko abenduaren 7a (76 urte)
Herrialdea	Suitza
Hezkuntza
Hizkuntzak	alemana
Jarduerak
Jarduerak	idazlea eta poeta
Parte-hartzailea Ingeborg Bachmann Award 1978 (en)
Jasotako sariak	ikusi Droste-Preis  (1979)
Kidetza	Alemaniako hizkuntza eta literatura akademia

Gertrud Leutenegger (Schwyz, 1948ko abenduaren 7a) suitzar idazlea da. Idazle garaikideen grina berbera agertzen du Leuteneggerek idazlanetan: indarrean dagoen ordena hautsi eta mundu ezezagunetara urruntzeko nahia. Asmo hori agertzen da jadanik Gertruden lehen eleberrian: Vorabend (1975, Bezperako eguna). 1977ko Ninive lanean, aldiz, kontzeptu historiko, politiko eta mitikoek zabaltzen dute ikuspegia. Ikusmoldeari dagokionez, gainera, emakumezkoa izan ohi da kontalaria. Hurrengo idazlanetan, Lebewohl gute Reise (1980, Ongi ibili eta bidaia ona izan) olerki dramatikoan eta Gouverneur (1981, Gobernatzaile) eleberrian, botere-gose patriarkalaren eta emakumezkoen maitasun-indarraren arteko borroka hartzen du gaitzat. Kontinent (1985, Kontinentea) eleberrian ere, egitura antitetikoak agertzen dira, Txinan bizi izandako maitasunaren oroitzapena herriko eguneroko bizitzarekin nahasten baita kontatzailearen buruan. Komm ins Schiff (1983, Zatoz itsasontzira) bakarrizketa lirikoak eta Meduse (1988, Medusa) kontakizunak ere, maitasun-aldarte eta -gogorapenak oroitarazten dituzte irudi bizi eta liluragarrien bidez. Beste lan hauek ere idatzi ditu: Sphärenklang. Dramatisches Poem (1999), Pomona. Roman (2004), Gleich nach dem Gotthard kommt der Mailänder Dom (2006) eta Matutin (2008).

Erreferentziak

• Datuak: Q1515618