Ghostbusters

Ghostbusters
Jatorria
Argitaratze-data	1984
Jatorrizko izenburua	Ghostbusters
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Ezaugarriak
Genero artistikoa	fantasiazko filma, comedy horror (en) , monster film (en) , ekintza-filma, abenturazko filma, film komikoa, zientzia-fikziozko filma eta buddy film (en)
Iraupena	105 minutu
Kolorea	koloretakoa
Grabazio lekua(k)	New York, Warner Brothers Burbank Studios (en) , 55 Central Park West, New York Public Library Main Branch (en) , Los Angeles Central Library (en) , Low Memorial Library (en) , Firehouse, Hook & Ladder Company 8 (en) , Fire Station No. 23 (en) , Millennium Biltmore Hotel (en) eta Tavern on the Green (en)
Zuzendaritza eta gidoia
Zuzendaria(k)	Ivan Reitman
Gidoigilea(k)	Dan Aykroyd Harold Ramis Rick Moranis
Antzezlea(k)
Bill Murray (Peter Venkman (en) ) Sigourney Weaver (Dana Barrett (en) ) Rick Moranis (Louis Tully (en) ) Dan Aykroyd (Ray Stantz (en) ) Harold Ramis (Egon Spengler (en) ) Ernie Hudson (Winston Zeddemore (en) ) Annie Potts (Janine Melnitz (en) ) William Atherton David Margulies Alice Drummond Larry King Michael Ensign Reginald VelJohnson Timothy Carhart Slavitza Jovan (en) (Gozer the Gozerian (en) ) [[Kategoria:Slavitza Jovan (en) antzeztutako filmak]]
Ekoizpena
Ekoizlea	Ivan Reitman
Konpainia ekoizlea	Columbia Pictures
Edizioa	David Blewitt (en) Sheldon Kahn (en)
Ekoizpen-diseinatzailea	John DeCuir, Sr. (en)
Bestelako lanak
Musikagilea	Elmer Bernstein
Argazki-zuzendaria	László Kovács
Jantzi-diseinatzailea	Theoni V. Aldredge
Fikzioa
Kontakizunaren tokia	New York
ikusi Janine Melnitz (en) , Peter Venkman (en) , Ray Stantz (en) , Egon Spengler (en) eta Winston Zeddemore (en)
Historia
[[National Film Registry (en) ]]
Nominazioak	Efektu berezi onenen Oscar Saria 57th Academy Awards (en) Richard Edlund (en) , John Bruno (en) , Mark Vargo (en) , Chuck Gaspar (en)
Kanpo loturak
ghostbusters.com
Zinema loturak IMDb: tt0087332 FilmAffinity: 289694 RottenTomatoes: m/ghostbusters AllMovie: v19671
kronologia
Ghostbusters →Ghostbusters II

Ghostbusters (euskaraz Mamu-Harrapariak) 1984ko Ivan Reitman estatubatuar zinema zuzendariaren komedia filma bat da. Bertan honako aktore hauek antzeztu zuten: Bill Murray, Dan Aykroyd, Sigourney Weaver, Harold Ramis, Ernie Hudson eta Rick Moranis. Filmaren gidoia Dan Aykroyd eta Rick Moranis aktoreek idatzi zuten.

Filma honek mundu osoan berehalako arrakasta itzela izan zuen, diru etekin handiak lortuz eta zinemaren historiako komedia ospetsuenen artean sailkatuz, ondorioz 1989an Ghostbusters II jarraipena filmatu zen, gainera 2016an Ghostbusters III jarraipena estreinatu zen. Bestalde, The Real Ghostbusters eta Extreme Ghostbusters izeneko marrazki bizidun bertsioak ere moldatu izan dira.

Filman agertzen den etxeorratza New York hiriko Central Parken alboan dagoen 55 Central Park West eraikina da, ordutik aurrera Ghostbusters eraikina ezizena jaso zuelarik. Soinu banda Elmer Bernstein musikagile ezagunak moldatu zuen, Ray Parker Jr musikariaren Ghostbusters abestia filmaren ikur eta doinu ospetsu bilakatu zelarik.

Argumentua

Peter Venkman (Bill Murray), Ray Stantz (Dan Aykroyd) eta Egon Spengler (Harold Ramis) hirukotearen ikerketa eta jokamolde xelebreen ondorioz New York hiriko Columbiako Unibertsitatetik kaleratutako hiru parapsikologo dira. Halere, etsi beharrean, euren mamu-harrapari negozioa ireki eta punta-puntako teknologia erabiliz naturazgaindiko fenomenoak ikertu eta ektoplasma adierazpenak atzemanteari ekiten diote. Hainbat kasu gora behera batzuekin arrakastaz konpondu ondoren, telebistan agertu eta hirian ospea bereganatu ondorioz Janine Muntz (Annie Potts), idazkari arduragabea, eta Winston Zeddemore (Ernie Hudson) mamu-harrapari laguntzaileak kontratatuko dituzte.

Ghosbusters edo Mamu-harraparien horma-irudia Gasteizen, Euskal Herria.

Euren lehenbiziko bezeroa Dana Barret (Sigourney Weaver) izanen da, txelojole honek bere etxebizitzan ustezko naturazgaindiko ikuskapen bitxia izan ondoren mamu-harrapariak arazoa konpondu dezaten kontratatuko ditu, lasterrera Peter berataz maiteminduko delarik. Bai Dana nahiz bere biziliagun xelebrea den Louis Tulley (Rick Moranis), deabrutu eta eurak bizi diren eraikina (55 Central Park West eraikina) beste mundu batetik datorren izaki suntsitzaile baten Atari modukoa bilakatuko da.

Mamu-harrapariek eraikin hura okultismo zaletua zen arkitektu batek beste dimentsio batetarako atari gisa eraiki zuela jakinen dute, atari honetako zaindariak Giltzen Zaindaria (Tulley) eta Atearen Zaindaria (Barret) direlarik, Venkmanen arerioa eta udal osasun saileko Walter Peck (William Atherton) funtzionarioak mamu-biltegiko argindarra eten eta aurretik ehizatutako mamu guztiak hirian barna ihes egiten dutenean.

Azkenik, Mamu-harrapariek Gozer izakia garaitu eta Dana, Louis eta New York hiria salbatzea lortuko dute, esker oneko hiritar guztien txalo zaparrada eta animo ohiuen artean daudela filma amaituko delarik.

Aktoreak

• Bill Murray: Peter Venkman
• Dan Aykroyd: Ray Stantz
• Harold Ramis: Egon Spengler
• Ernie Hudson: Winston Zeddemore
• Annie Potts: Janine Melnitz
• Rick Moranis: Louis Tully
• Sigourney Weaver: Dana Barrett
• William Atherton: Walter Penn

Ikus gainera

• 55 Central Park West edo Ghostbusters eraikina

Saila

• Ghostbusters II (1989)
• Ghostbusters (2016)

Kanpo estekak

• Ghostbusters filmaren iragarkia ikusgai (Ingelesez)
• Ray Parker Jr musikariaren Ghostbusters abestiaren bideoklipa ikusgai eta entzungai (Ingelesez)
• Ghostbusters filmaren webgunea (Ingelesez)
• Ghostbusters filmaren IMDBko fitxa irakurgai (Ingelesez)

• Datuak: Q108745
• Multimedia: Ghostbusters