Edukira joan

Haben Girma

Wikipedia, Entziklopedia askea
Haben Girma

Bizitza
JaiotzaOakland, 1988ko uztailaren 29a (36 urte)
Herrialdea Ameriketako Estatu Batuak
Hezkuntza
HeziketaHarvardeko Zuzenbide-Eskola
Lewis & Clark College (en) Itzuli
Skyline High School (en) Itzuli
Jarduerak
Jarduerakabokatua eta abokatu defendatzailea
Lan nabarmenak
Jasotako sariak
habengirma.com
Facebook: habengirma Twitter: habengirma LinkedIn: habengirma Edit the value on Wikidata

Haben Girma (Oakland, 1988ko uztailaren 29a[1][2]) estatubatuar abokatua eta pertsona desgaituen eskubideen aldeko ekintzailea da. Harvard Unibertsitateko zuzenbide fakultatean graduatu den lehen pertsona gor-itsua da[3][4][2].

Bizitza

[aldatu | aldatu iturburu kodea]

Oaklanden (Kalifornia) jaio zen 1988an, eritrear jatorriko familian. Bere aita, Girma Kidane Adgoy, Addis Abeban (Etiopia) jaio zen eta ama, Saba Gebreyesus, Asmaran (Eritrea)[5][6] eta 1983an Sudanera ihes egin zuen etiopiar eta eritrear errefuxiatu askoren artean[2].

Haurtzaroan ikusmena eta entzumena galdu zituen[1]. Ikusmenaren %1 geratzen zaio[7].

Ameriketako Estatu Batuetan hazi zenez, desgaitasuna duten pertsonei buruzko legeek babestuta egon da[2]. Teknologia erabilerrazarako sarbidea ere bazuen, besteak beste, Braille gailu digital bat dauka, bere neba zaharrenak, Mussie Gebrek, gor-itsua ere, Eritrean lortu ezin zuena[2]. 2006an Skyline ikastetxe publikoan graduatu zen[8].

15 urte zituela, Malira joan zen boluntario lanak egitera, buildOn erakundearekin eskolak eraikiz[9].

Lewis & Clark Collegen ikasi zuen, non behar zituen baldintzetarako eskubidea defendatu zuen[10]. 2010ean graduatu zen[11]. 2013an, Harvard Unibertsitateko zuzenbide fakultatean graduatu den lehen ikasle gor-itsu bilakatu zen[10].

2013an, Disability Rights Advocates (DRA) erakundean sartu zen zen. 2015etik 2016ra bertan lan egin zuen abokatu gisa, desgaitasuna duten pertsonak defendatzen[4][3].

2015eko uztailaren 20an, Barack Obamarekin bildu zen Etxe Zurian, irisgarritasunerako teknologien garrantzia eztabaidatzeko[2].

2016ko ekainean, diseinu eskuragarriari buruzko hitzaldia eman zuen Apple Worldwide Developers Conferencen[12][13].

2018an, The Washington Post egunkariak Girmaren iritzia argitaratu zuen, Texasko Estatuko Hezkuntza Batzordeari zuzendua, Helen Keller gizarte-ikasketen curriculumetik kentzeko bozkatu zuena. Azkenean, batzordeak erabakia bertan behera utzi zuen[14][15].

2019ko abuztuan, Haben: The Deafblind Woman Who Conquered Harvard Law liburua argitaratu zuen[16][17].

Itsu-txakur baten laguntza erabiltzen du. 2009an, The Seeing Eye erakundeari esker, Maxine izeneko artzain-txakur alemana izan zuen. 2018an Maxine hil zen, eta Girmak Mylo artzain-txakur alemana adoptatu zuen[18][19].

Erreferentziak

[aldatu | aldatu iturburu kodea]
  1. ↑ a b (Ingelesez) Bondy, Halley. «Deaf-Blind Harvard Law Grad Slays Every Expectation, But Don’t Call Her An “Inspiration”» Oxygen True Crime 2016-10-13 (Noiz kontsultatua: 2024-02-19).
  2. ↑ a b c d e f (Ingelesez) Shapiro, Joseph. «She Owes Her Activism To A Brave Mom, The ADA And Chocolate Cake» NPR 2015-07-31 (Noiz kontsultatua: 2024-02-19).
  3. ↑ a b (Ingelesez) «Haben Girma» American Bar Association 2019-05-01 (Noiz kontsultatua: 2024-02-19).
  4. ↑ a b (Ingelesez) «Haben Girma» Disability Rights Advocates (Noiz kontsultatua: 2024-02-19).
  5. ↑ (Ingelesez) «Deaf Person of the Month. Haben Girma» Deaf People (Noiz kontsultatua: 2024-02-19).
  6. ↑ (Ingelesez) «Eritrea: Haben’s First Book» Asmarino Independent Media 2019-08-21 (Noiz kontsultatua: 2024-02-19).
  7. ↑ (Ingelesez) Wright, Robin. «Who is "Worthy"? Deaf-Blind People Fear That Doctors Won't Save Them from the Coronavirus» The New Yorker 2020-04-28 (Noiz kontsultatua: 2024-02-19).
  8. ↑ (Ingelesez) «Haben’s Story» Lighthouse Guild (Noiz kontsultatua: 2024-02-19).
  9. ↑ (Ingelesez) Stasio, Frank; Campbell, Nicole. «First Deaf-Blind Student At Harvard Law Pursues Dreams» WUNC 2013-11-01 (Noiz kontsultatua: 2024-02-19).
  10. ↑ a b (Ingelesez) Bacon, Katie. «A Self-Advocate Is Now Also a Legal Advocate» Harvard Law School 2013-07-01 (Noiz kontsultatua: 2024-02-19).
  11. ↑ (Ingelesez) Starrs, Jenny. «VIDEO: Deaf-blind Harvard-trained lawyer who made waves now rides them, too» The Washington Post 2016-01-04 (Noiz kontsultatua: 2024-02-19).
  12. ↑ (Ingelesez) «Disability and Innovation: The Universal Benefits of Accessible Design» Apple Developer (Noiz kontsultatua: 2024-02-19).
  13. ↑ (Ingelesez) Kelly, Heather. «This deaf-blind lawyer thinks your app needs work» CNN Business 2016-07-11 (Noiz kontsultatua: 2024-02-19).
  14. ↑ (Ingelesez) Girma, Haben. «Hey, Texas. Students need to learn about Helen Keller. Don’t remove her» The Washington Post 2018-09-19 (Noiz kontsultatua: 2024-02-19).
  15. ↑ (Ingelesez) Boyette, Chris; Holcombe, Madeline. «In reversal, Texas board votes to teach students about Helen Keller, Hillary Clinton» CNN 2018-11-14 (Noiz kontsultatua: 2024-02-19).
  16. ↑ (Ingelesez) Bobrow, Emily. «Haben Girma Is a Trailblazer for the Deaf and Blind» The Wall Street Journal 2019-08-02 (Noiz kontsultatua: 2024-02-19).
  17. ↑ (Ingelesez) «New & Noteworthy, From Prince Albert to a Bird’s-Eye View of the Apocalypse» The New York Times 2019-08-06 (Noiz kontsultatua: 2024-02-19).
  18. ↑ (Ingelesez) «Disability Rights Advocate and LSC Alum Haben Girma on making her way in the world with help from her guide dog» Clinical and Pro Bono Programs 2019-09-10 (Noiz kontsultatua: 2024-02-19).
  19. ↑ (Ingelesez) Girma, Haben. «Guide dogs don’t lead blind people. We wander as one» The Washington Post 2019-08-07 (Noiz kontsultatua: 2024-02-19).

Kanpo estekak

[aldatu | aldatu iturburu kodea]
"https://eu.wikipedia.org/w/index.php?title=Haben_Girma&oldid=9815497"(e)tik eskuratuta