Harpia harpyja

Wikipedia(e)tik
Hona jo: nabigazioa, Bilatu


Harpia harpyja
Iraute egoera
Sailkapen zientifikoa e
Erreinua: Animalia
Filuma: Chordata
Klasea: Aves
Goiordena: Neoaves
Ordena: Accipitriformes
Familia: Accipitridae
Generoa: Harpia
Espeziea: Harpia harpyja
(Linnaeus, 1758)[2]
Hedapen mapa

Harpia harpyja Harpia generoko animalia da. Hegaztien barruko Accipitridae familian sailkatua dago.

Harpia arranoa Ertain-amerikatik Hego-amerikara hedatzen da Argentina eta Txile izan ezik, eta baso tropikal euritsu, heze eta hostotsuetan bizi da, zuhaitz handienetako goiko adaburuetan bere kabia eraikiz.

Panamako animali nazionala da eta harro hitz egiten dute bertan bere indarrez, edertasunez, elegantziaz eta adorez.

Arrano hau munduko arrano eta hegazti harraparirik boteretsu, sendo, mardul eta indartsuena da, nahiz eta hegalen luzeeran 6 arrano baino txikiagoa izan, gorputz luzeeran eta pisuan handiena da (Japoniar itsasoko Pigargoarekin batera) eme handiak 9-10 kg-ra helduz. 2 metroko hegal luzeera du punta batetik bestera eta tamaina handiko hegaztia izanik zein baso hostotsuenetan bizi izanik ere ikaragarrizko habilezia du abiadura bizian joateko zuhaitz eta hosto ugarien artean.

15 zm-ko atzapar sendo eta zorrotzak ditu (arrano guztietan handienak eta kodiak artz erraldoien tamainakoak) eta atzapar zorrotz horiek estutzeko duen indar ikaragarria eransten badiogu animali handiak ehizatzeko gai da. Esaten da, gizon baten garezurra apurtzeko moduko indarra dutela euren atzapar sendoak estutzean, baita gizon baten besoa edota hanka odol fluxurik gabe uzteko heina ere, gorputzaren atal hori gogor estutuz gero.

Hegazti eder zein indartsu hau bere habitat-eko superharraparia da eta haren harrapakinen artean nagi hiruhatzak, tximino orrolari gorria, kaputxino tximinoa eta mota askotako ugaztun ertainak daude, koatia besteak beste. Sarritan narrasti mota batzuk ere ehizatzen ditu, iguana berdea eta sugeak hain justu ere. Bera baino txikiago diren hegaztiak orokorrean bizkorregiak dira harrapakin bihurtzeko eta beraz ez dira bere menuan sartzen.

Ia arriskuan dagoen animalia da arriskuan dauden animalien zerrendaren arabera, eta bere desagerpenaren arrisku nagusia basoen suntsipena da.

Erreferentziak[aldatu | aldatu iturburu kodea]

  1. (Ingelesez)BirdLife International (2012) Species factsheet. www.birdlife.org webgunetitik jaitsia 2012/05/07an
  2. (Ingelesez) IOC Master List

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Harpia harpyja Aldatu lotura Wikidatan

Ikus, gainera[aldatu | aldatu iturburu kodea]