Hego Vietnamgo Askapenerako Nazio Frontea

Hego Vietnamgo Askapenerako Nazio Frontea
Datuak
Izen laburra	Việt Cộng, FNL, 越共, NFB eta Вьетко́нг
Mota	popular front (en) , erakunde politikoa eta gerrillari taldea
Herrialdea	Vietnam
Ideologia	Ho Chi Minh Thought (en) , marxismo-leninismoa, ezkerreko nazionalismoa, Vietnamese nationalism (en) , abertzaletasun sozialista, antiinperialismoa eta komunismoa
Kokapen politikoa	ezker politiko
Eskumendekoak	People's Liberation Armed Forces of South Vietnam (en)
Agintea
Egoitza nagusi (1967–2040)	Memot barrutia;
Egoitza nagusi (1972–1975)	Lộc Ninh, Tây Ninh;
Historia
Sorrera	1954ko uztailaren 21a
Aurrekoak	Viet Minh
Ondorengoak	Vietnamese Fatherland Front (en)
Desagerpena	1976ko uztailaren 4a

Artikulu hau Vietnamgo alderdi politikoari buruzkoa da; beste esanahietarako, ikus «Nazio Askapenerako Frontea».

Hego Vietnamgo Askapenerako Nazio Frontea edo FNL (vietnameraz: Mặt Trận Giải Phóng Miền Nam Việt Nam; frantsesez: FNL Front national pour la libération du Sud Viêt Nam edo FLN Front de libération nationale du Sud Viêt Nam), Hego Vietnamgo fronte komunista armatua izan zen. Hego Vietnamgo erregimenak erakundea Việt Cộng ("komunista vietnamdarrak") terminoarekin izendatzen zuen; estatubatuarrek, aldiz, Charlie hitza erabiltzen zuten FNLri erreferentzia egiteko, Victor Charlie hitzen (VC hizkiak NATOren alfabeto fonetikoan) laburdura gisa.

Nazio askapenerako Viet Minh erakunde komunista bere baitan hartzen zuen fronte horretan, hegoaldean indarrean zegoen erregimenaren aurkako sektoreak antolatu ziren, pisu nabarmenena komunistek izanik. FNLk Ipar Vietnamen babes politiko eta militarra zeukan, eta 1962rako, Hego Vietnamgo landa munduaren zati handi bat kontrolatzen zuen. Egitate horrek, hain zuzen, Estatu Batuen interbentzio erabakian eragin zuzena izan zuen. Vietnamgo Gerran, indar armatu hego vietnamdar eta batez ere estatubatuarren aurka aritu zen Ipar Vietnamekin batera, eta gerrilla gerren estrategiaz baliaturik, AEBren erretiratzea eta, geroago, garaipen militar osoa lortu zituen hegoaldean.

1975ean, mendebaldearen aldeko Hego Vietnameko erregimena deuseztaturik, FNLk 1969an sortutako Hego Vietnamgo Errepublika ezarri zuen behin behinean, 1976an iparraldearekin batu eta Vietnamgo Errepublika Sozialista eratu zuten arte.

Kanpo estekak

Datuak: Q174423
Multimedia: National Liberation Front of South Vietnam / Q174423