Hegoaldeko Konbentzio Baptista

Hegoaldeko Konbentzio Baptista
Datuak
Mota	Kristau-sinesbidea
Herrialdea	Ameriketako Estatu Batuak
Jarduera
Honen parte	Baptismo
Agintea
Egoitza nagusi	Nashville;
Historia
Sorrera	1845eko maiatza
Sorlekua	First Baptist Church (en) eta Augusta
	webgune ofiziala;

Hegoaldeko Konbentzio Baptista (ingelesez: Southern Baptist Convention) kristau-sinesbide ebanjeliko baptista da, nahiko joera kontserbadorea duena eta Estatu Batuetan sortua.^[1] "Hegoaldeko" terminoa AEBetako hegoaldean sortu izanari buruzkoa da. Hegoaldeko Konbentzio Baptista 1845ean Augustan, Georgian, sinesbide bihurtu zen iparraldeko baptistekin Estatu Batuetako hegoaldeko estatuetako esklabotzari buruzko desadostasun baten ondorioz. Hegoaldeko Konbentzio Baptista erakunde ugarik osatzen dute, besteak beste, sei mintegik, bi misio-batzarrek eta beste hainbat erakundek, hala nola Hegoaldeko Baptisten Batzorde Betearazleak.

Hegoaldeko Konbentzio Baptista munduko erakunde bapstistarik handiena da, eta, 14,5 milioi kide eta 47.500 eliza baino gehiagorekin, Estatu Batuetako sinesbide protestanterik handiena ere.^[2] Hegoaldeko baptistek norbanakako konbertsioaren esperientziaren garrantzia azpimarratzen dute, uretan murgiltzearen bataioa eta haurren bataioaren errefusa barne. Hegoaldeko Konbentzio Baptistaren elizak ebanjelikoak dira doktrinan eta praktikan. Interpretazio biblikoaren oinarriari buruzko zenbait uste espezifiko apur bat alda daitezke, tokiko Hegoaldeko Eliza Baptistei autonomia ematen dien gobernu-sistema kongregazionalari esker. Historikoki, hegoaldeko baptistek funtsezko zeregina izan dute erlijio-askatasuna eta eliza eta estatuaren banaketa sustatzeko.