Heimebane (ingelesera Home Ground moduan itzulita, Etxeko zelaia), telesail dramatiko bat da, Norvegian egina eta NRK1 kanalak estreinatu zuena 2018ko martxoaren 4an. Telesaileko protagonista nagusia Helena Mikkelsen da, lehenbiziko futbol entrenatzaile emakumezkoa Norvegiako lehen mailan, “Varg IL” fikziozko taldean.
Aktore nagusia Ane Dahl Torp da, Norvegiako aktorerik ezagunenetako bat. Telesail honetan Helena Mikkelsen antzezten du, emakume entrenatzaile anbiziotsua, ezustean sartzen dena gizonezkoen esparru batean, eta oztopo mordoa gainditu beharko dituena emakume izateagatik.[1] Aktoreen artean nabarmentzekoa da John Carew, futbol jokalari norvegiarra, zeinak 15 urtez karrera oparoa egin zuen Norvegian, Espainian, Italian, Turkian, Frantzian eta Britainia Handian. Gainera, 90 partida jokatu zituen Norvegiako selekzioarekin. Telesail honetan Michael Ellingsen antzezten du, futbol jokalari famatu bat, bere karreraren inularrean egonda ere, taldeko entrenatzaile izan nahi duena.
Telesailak bost sari irabazi zituen 2018ko Gullruten galan: telesail dramatikorik onena, emakumezko aktorerik onena Ane Dahl Torp-i (Helena Mikkelsen), gizonezko aktorerik onena Axel Bøyum-i (Adrian Austnes), gidoirik onena (Johan Dejuni) eta musikarik onena (Renate Bakke, Magnus Thorkildsen eta Jan Dalehaug).[2] Horrez gain, izendapen bat izan zuen drama-telebista zuzendari onenari (Arild Andersen). Oro har, Heimebane telesailak kritika onak jaso ditu.[3] Ikusleek ere puntuazio ona eman diote.[4]
NRK1 (en) 
Datuak: Q52424647