Edukira joan

Idoia Gereñu

Gehitu loturak
Wikipedia, Entziklopedia askea
Idoia Gereñu

Bizitza
JaiotzaTolosa, 1980 (43/44 urte)
Herrialdea Gipuzkoa, Euskal Herria
Hezkuntza
HeziketaEuskal Herriko Unibertsitatea
Madrilgo Karlos III.a Unibertsitatea
Hizkuntzakeuskara
Jarduerak
Jarduerakirakaslea eta antzerkigilea

Idoia Gereñu Odriozola (Tolosa, Gipuzkoa, 1980) irakasle eta antzerkigilea da. Katiuska antzerki taldearen sortzailea eta kidea da.

Biografia

[aldatu | aldatu iturburu kodea]

Filosofia ikasketak egin zituen EHUn eta Humanitateetako master bat Madrilen, Carlos III.a Unibertsitatean, arte eszenikoekin lotura zuena. Master bukaeran gerra aurreko eta erbesteko antzerkigintzari buruzko ikerketa egin zuen. Ondoren Jarrai antzerki taldeari buruzko doktorego tesia ere egin zuen, gerraosteko abangoardiako antzerkiari buruzkoa.[1]

Hamalau urte zituenetik izan zuen antzerkian ibiltzeko gogoa. Hamasei urterekin hasi zen antzerki tailerrean lanean. Filosofia ikasketak bukatu eta antzerkigintzaren munduan sartu zen master baten bitartez.[2]

Euskal antzerkigintzari buruzkoak bilatzen hasi eta informazio eskasiarekin egin zuen topo. Labaien eta Antzerti aldizkaria izan ziren bere tesiaren ardatz, hauen bitartez garaiko antzerkigintza ezagutu baitzuen.[3]

Antzerki irakasle moduan jardun du hainbat tokitan eta baita filosofiako irakasle moduan ere. EHAZE Euskal Herriko Antzerkizale elkarteko koordinatzailea izan zen bi urtez.  Katiuska antzerki taldearen sortzaileetako bat izan zen, eta taldeko kidea da.[1]

Ahoz-aho, ipuinak ez dira geldituko kanpainan parte hartu du beste Euskal Ahozko Narratzaile ugarirekin batera.[4]

Lau astean behin, antzerkiari eskainitako irratsaio bat aurkezten du Gereñuk Tolosaldeko Ataria irratian Eleak eta Beleak deiturikoa.  Agendari ihes eginda, atal bakoitzean gai bat lantzen du. Antzerkiaren periferia erakutsi nahi du irratsaio horietan, antzerkiaren lantaldearen mundua, hau da, antzerki eskolak, kritikak idazten dituztenak, ikerketak egiten dituztenak, teknikariak...[5]

Lanak

[aldatu | aldatu iturburu kodea]

Liburuak

[aldatu | aldatu iturburu kodea]
  • Antzerti - 75 Urte Ondoren liburua.[6]

Artikuluak

[aldatu | aldatu iturburu kodea]
  • Euskal teatro amateurra definitzeko erreferentzia historikoen bilakaerarekiko hurbilpen kritikoa. EGAN aldizkarian argitaratutako artikulua.[7]
  • Teatroaren mututzea XX. mendean. Frankismoaren eta zentsuraren eragina euskal teatroaren bilakaeran. EUSKERA aldizkarian argitaratutako artikulua.[8]
  • Bazegonk amairu "jarrai" gabe? REVISTA DE LENGUAS Y LITERATURAS CATALANA, GALLEGA Y VASCA aldizkarian argitaratutako artikulua.[9]
  • Oihanean ez da isiltasunik sekula. ADMINISTRAZIOA EUSKARAZ aldizkarian argitaratutako artikulua.[10]
  • La revista teatral vasca Antzerti (1932-1936). REVISTA DE LENGUAS Y LITERATURAS CATALANA, GALLEGA Y VASCA aldizkarian argitaratutako artikulua.[11]

Elkarlanak obra kolektiboetan

[aldatu | aldatu iturburu kodea]
  • 1936ko euskal erbestealdiko antzerkia = El teatro del exilio vasco de 1936.[13]
  • Izan ginenaz hiru aro esanguratsu. Ekin eta Joka. EHAZE[14]

Tesia

[aldatu | aldatu iturburu kodea]
  • Jarrai (1959-1968), abangoardiako euskal teatroaren ikur.[15][16]

Antzezlanak KATIUSKA taldean, kolektiboan

[aldatu | aldatu iturburu kodea]
  • Katiusken Erreinua
  • Museoa
  • Zartapa!
  • Zorion Hutsa

Erreferentziak

[aldatu | aldatu iturburu kodea]
  1. ↑ a b https://ahotsak.eus/media/pdf/ahotsakeus_gerenu-odriozola-idoia_2021-05-11-1505.pdf. .
  2. ↑ https://ahotsak.eus/tolosa/pasarteak/tol-081-002/. .
  3. ↑ https://ahotsak.eus/tolosa/pasarteak/tol-081-004/. .
  4. ↑ https://ataria.eus/tolosaldea/1584980105673-idoia-gerenu-ilargiaren-prakak. .
  5. ↑ https://www.berria.eus/paperekoa/1857/029/001/2021-05-08/antzerkiaren-periferia-erakutsi-nahi-dut-saioan.htm. .
  6. ↑ https://www.amazon.es/Antzerti-Urte-Ondoren-Idoia-Gere%C3%B1u/dp/8496288633. .
  7. ↑ «2021 1/2 ALE OSOA - Euskalerriaren Adiskideen Elkartea» bascongada.eus (Noiz kontsultatua: 2021-12-02).
  8. ↑ https://www.inguma.eus/produkzioa/ikusi/teatroaren-mututzea-xx-mendean-frankismoaren-eta-zentsuraren-eragina-euskal-teatroaren-bilakaeran. .
  9. ↑ https://www.inguma.eus/produkzioa/ikusi/bazegonk-amairu-jarrai-gabe. .
  10. ↑ https://dialnet.unirioja.es/servlet/articulo?codigo=6069528. .
  11. ↑ Odriozola, Idoia Gereñu. (2006). «La revista teatral vasca Antzerti (1932-1936)» Revista de lenguas y literaturas catalana, gallega y vasca (12): 131–135. ISSN 1130-8508. (Noiz kontsultatua: 2021-05-14).
  12. ↑ https://dialnet.unirioja.es/servlet/articulo?codigo=5452467. .
  13. ↑ https://www.todostuslibros.com/libros/1936ko-euskal-erbestealdiko-antzerkia-el-teatro-del-exilio-vasco-de-1936_978-84-615-8680-6. .
  14. ↑ «Ekin eta Joka» EHAZE 2018 ISBN 978-84-09-06311-6. (Noiz kontsultatua: 2021-12-02).
  15. ↑ https://dokumeta.gipuzkoa.net/handle/10690/120768. .
  16. ↑ (Gaztelaniaz) Odriozola, Idoia Gereñu. (2016). Jarrai (1959-1968), hito del teatro vasco de vanguardia. Universidad Carlos III de Madrid (Noiz kontsultatua: 2021-05-14).

Kanpo estekak

[aldatu | aldatu iturburu kodea]
"https://eu.wikipedia.org/w/index.php?title=Idoia_Gereñu&oldid=8778518"(e)tik eskuratuta