Euskal Herriko Antzerkizale Elkartea
Appearance
(«EHAZE» orritik birbideratua)
Euskal Herriko Antzerkizale Elkartea | |
---|---|
Datu Orokorrak | |
Barne egitura | |
Sorrera-data | 2010 |
Bestelakoak | |
Webgunea | https://ehaze.eus/ |
Euskal Herriko Antzerkizale Elkartea (EHAZE) euskal gizartean eta kulturan antzerkia bultzatzeko asmoz sortutako elkarte nazionala da.
Ezaugarriak
[aldatu | aldatu iturburu kodea]Elkartea 2010eko ekainean aurkeztu zen; hiru urte lehenago Hik Hasi aldizkariaren topaketetan antzerkiaren munduko lagun ugarik egin zuten hausnarketaren ondorioa izan zen[1]. Euskal Herri osoko pertsonak bildu ziren eta Josu Kamara izendatu zuten lehendakari[2]. Idoia Gereñu eta Oskar Aranzabal ere zuzendaritza taldeko kideak dira. Egoitza Azpeitiko Enparan dorretxean du.
Barne antolaketan bost arlo ditu: zuzendaritza, dokumentazioa, formakuntza, sustapena eta komunikazioa[3].
Helburuak
[aldatu | aldatu iturburu kodea]Xede nagusia euskarazko antzerkigintzaren beharrei erantzutea izanik, esparru hauek landu nahi dituzte:
- Euskarazko antzerkia ondare sozio-kultural eta historikotzat jota, bere historia eta ezagupenak hurrengo belaunaldiei transmititzea.
- Euskarazko antzezlanak bultzatu eta sustatzea. Elkarteak eguneroko funtzionamendua euskaraz egingo du.
- Antzerkizaleek osatutako mugimendu sozio-kulturala bultzatzea.
- Antzerkiaren bidez hizkuntza, balore eta arte eszenikoaren transmisioa gizartean zabaltzea.
- Antzerkigintzan sortzen diren beharrei erantzuten laguntzea.
- Euskalgintzan eta kulturgintzan ari diren elkarteekin eta erakundeekin elkarlanean jardutea.
Erreferentziak
[aldatu | aldatu iturburu kodea]- ↑ Euskarazko antzerkia koordinatu eta indartu nahi duen elkarte bat sortu dute[Betiko hautsitako esteka], Berria, 2010eko ekainaren 6a.
- ↑ Antzerki zaleak mugimenduan, Argia, 2.247. zkia., 2010eko urriaren 10a.
- ↑ Antolaketa[Betiko hautsitako esteka] EHAZEren webgunean.