Igor Arrieta

Igor Arrieta
	;
Bizitza
Jaiotzako izen-deiturak	Igor Arrieta Lizarraga
Jaiotza	Uharte Arakil, 2002ko abenduaren 8a (21 urte)
Herrialdea	Nafarroa Garaia, Euskal Herria
Familia
Aita	Jose Luis Arrieta
Familia	ikusi Ángel Arrieta (osaba);
Hezkuntza
Hizkuntzak	euskara; gaztelania
Jarduerak
Jarduerak	txirrindularia
Ibilbidea
Taldeak	Urteak
Kern Pharma (ikaslea)	2021eko abuztuaren 1a-2021eko abenduaren 31
Kern Pharma	2022-2023
UAE Team Emirates	2024-
Galibier Txirrindulari Elkartea	2021eko urtarrilaren 1a-2021eko uztailaren 31
Sakana Group-Aralar TT (en)	2019-2020
	Parte-hartzailea 2022 UCI Europe Tour (en) (835.); 2023 UCI World Ranking (en) (764.) ;

Artikulu hau Igor Arrieta Lizarragari buruzkoa da; beste esanahietarako, ikus «Arrieta (argipena)».

Igor Arrieta Lizarraga (Uharte Arakil, 2002ko abenduaren 8a) txirrindulari nafarra da, 2022tik aurrera profesionala Kern Pharma taldean.

Kirol ibilbidea[aldatu | aldatu iturburu kodea]

Amateurretan[aldatu | aldatu iturburu kodea]

José Luis Arrieta txirrindulari ohiaren semea da^[1],^[2]. Bederatzi urtekin hasi zen txirrindularitzan, Aralar Txirrindulari Taldean.

2019ko denboraldian, bigarren sailkatu zen Espainiako errepideko eta erlojupeko txapelketetan junior mailan (19 urtez azpikoak). Gante-Wevelgem juniorrean hamargarren amaitu zen^[3] eta Europako zein Munduko txapelketetan parte hartu zuen.

2020an, Espainako ziklo-kros txapelketa junior eskuratu zuen ^[4], horretaz gain Euskal Herriko eta Nafarroako txapelketak poltsikoratu zituen^[5].

Espainiako erlojupeko txapelketan zilarrezko domina eskuratu zuen eta abuztuan, berriro ere, Europako junior txapelketan parte hartu zuen, non hamargarren sailkatu zen erlojupeko proban^[6].

Emaitza onek Lizarte taldera eraman zuten 2021an (Kern Pharmaren afizionatuak). Igor ondo egokitu zen eta bost garaipen lortu ziten. Ekainean 23 urtez azpikoen Espainiako errepideko txapelketa irabazi zuen. Jarraian, Etorkizuneko Tourrean aritu zen, Carlos Rodríguez taldekidearen laguntzaile.

Profesionaletan[aldatu | aldatu iturburu kodea]

2022an profesionaletara pasatu zen Kern Pharma taldean. Otsailean O Gran Camiñon zazpigarren amaitu zen, gazte onenaren saria eskuratuz. Apirilean 4. sailkatu zen Alpeetako Tourreko azken etapan, 6. Asturiasko Itzulian (gazte onena) eta 34. bere lehenbiziko World Tour proban Euskal Herriko Itzulian.

2023ko urtea ondo hasi, baina Jurako Tourraren amaieran izandako istripu batek hiru hilabetez lehiatu gabe utzi zuen Igor.^[7]

2024 denboraldian UAE Team Emirates taldean arituko da, hiru urteko kontratua sinatu baitu.^[8]