Ikaza jauregia

Wikipedia, Entziklopedia askea
Jump to navigation Jump to search
Ikaza jauregia
Logotipo del Gobierno Vasco.svg Eraikitako euskal ondasun nabarmena
Larrabetzu Ikaza jauregia 1.jpg
Kokapena
Herrialdea  Euskal Herria
Probintzia  Bizkaia
Herria Larrabetzu
Koordenatuak 43° 15′ 40″ N, 2° 47′ 47″ W / 43.261087°N,2.796508°W / 43.261087; -2.796508Koordenatuak: 43° 15′ 40″ N, 2° 47′ 47″ W / 43.261087°N,2.796508°W / 43.261087; -2.796508
Historia eta erabilera
Eraikuntza XVIII. mendea
Arkitektura
Estiloa Arkitektura barrokoa
Ondarea
EJren ondarea 16

Ikazako Jauregia Larrabetzuko erdigune historikoan kokatuta dago.

Eraikina[aldatu | aldatu iturburu kodea]

Eraikin exentu bat da, oinplano karratukoa, eta harburu zizelkatuko lau isurialdetara estalkiduna. Hiru altuera ditu eta fatxada nagusiko hutsuneen banaketa erabat simetrikoa da, hiru ardatzetako antolaketa kanonikoa osatuz. Axiala hiru sarbidek osatzen dute, solairu bakoitzeko bana: nagusia, behe solairukoa, goikoak baino zabalagoa da. Albo-ardatz bakoitza gezileiho moduko hutsune estu batez osatzen da, behe solairuan,sarbide bat bigarren altueran eta bao bat hirugarrengoan. Bigarren altuerako hiru sarbideek burdinazko balkoi hegaldun berera ematen dute. Hutsune guztiak dintelduak dira, baina beheko altuerakoak besteekiko nabarmendu egiten dira, harlanduzko lanean berringuratuak baitaude. Goiko altuerako hiru hutsuneak ere bereiztu egiten dira besteekiko, egurrez berringuratuak daudelako. Harlanduzko lana eraikinaren izkinetan ere ageri da, eta beren hormak harlangaitz handiekin eginak daude. Fabrika ageri-agerian dago lehenengo bi altueratan, eta hirugarrengoan, aldiz, ezkutatu egiten da freskoan egindako hainbat motibo dituzten margolanen azpian. Horien artean bat nabarmentzen da: akanto-hostoen friso bat solairu horretako hiru hutsuneen ertzetik doana, eszenak gertatzen diren laukizuzena markoztatuz. Eszena horiek mendikoak eta ehizaldietakoak dira izkinetan eta heraldikoak hutsuneen hormataletan. Bigarren altuerako balkoia burdinazko bost kartelek eusten dute eta berauek apaingarri modura berragertzen dira kalostrako izkinetan eta erdigunean, kalostra erradialak dituen zirkuluerdi bat markoztatuz. Solairu bereko beste hiru fatxadak ere margotuta daude, adreilu ilarak imitatuz. Balkoi berri batek, barnean errosetaz apuntatutako motibo mailakatuz osatua, bere oinarrian alikatatu bat imitatzen duten margoak agertzen ditu. Ez dago zalantzarik jauregiaren garrantzia artistikoaz. Fatxada eszena eta motibo piktorikoz apaintzen dituzten bakarrenetako bat da, modu horretan kromatismo biziz eta mugimenduz hornituz. Margolan horiek, gainera, iraganeko garaien benetako dokumentu grafikoak dira, eta, beraz, oso balio handikoak[1].

Iruditegia[aldatu | aldatu iturburu kodea]

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Ikaza jauregia Aldatu lotura Wikidatan
Arkitektura Artikulu hau Arkitekturari buruzko zirriborroa da. Wikipedia lagun dezakezu edukia osatuz.