Intef II.a
| Intef II.a | |||
|---|---|---|---|
 Intef II.aren hilarria, Tebasen.  Irudi gehiago | |||
| |||
| Bizitza | |||
| Jaiotza | K.a. XXII. mendea | ||
| Herrialdea | Antzinako Egipto | ||
| Heriotza | K.a. 2073 ( urte) | ||
| Familia | |||
| Aita | Mentuhotep I.a | ||
| Ama | Neferu I | ||
| Ezkontidea(k) | Néféroukait (en)  | ||
| Seme-alabak | ikusi
| ||
| Haurrideak | ikusi
| ||
| Leinua | Egiptoko XI. dinastia | ||
| Jarduerak | |||
| Jarduerak | estatu-politikaria | ||
  | |||
Uahanj Intef edo Intef II.a, Egiptoko XI. dinastiako faraoi bat izan zen, K.a. 2103tik K.a. 2054 arte gobernatu zuena, Egiptoko lehen tarteko garaian, Jürgen von Beckerathen arabera.
Tebaseko gobernaria eta bere anaia Intef I.aren oinordekoa izan zen.
Garai honetan, Egipto, zenbait tokiko dinastiatan zatitua zegoen. Ankhtifi nomo gobernaria hil ondoren, Intef II.a, Egipto hegoaldeko nomo guztiak bere agindupean biltzeko gai izan zen, Tebasetik Niloren lehen urjauziraino.
Hasiera batean, garai horretan Herakleopolis Magnatik gobernatzen zuen Jety III.arekin izan zuen harremana, adeitsua izan zen, baina, Intefek, eraso eta Afroditopoliseko nomoa konkistatu zuen, baina Herakleopolis Magnako errege berria zen Merykarak birkonkistatu zuen. Tiniseko nomoko hiri nagusia zen Abidos ere hartu zuen. Hiriak, jabe ezberdinak izan zituen zenbait alditan, baina, azkenik, Intef izango zen garaile, bere erresuma, XIII. nomorarte hedatuz.
Gerra hauen ondoren, harreman adiskidetsuagoak ezarri ziren, eta bere erregealdiaren gainontzeko zatia baketsua izango zen. Mugako egoera, zehaztezin bihurtuko zen denbora batez, baina Intefek, Mentuhotep II.ak aurrera eramango zuen behin betiko erasoaren oinarriak jarri zituen.
Bere garaiko testigutzak
[aldatu | aldatu iturburu kodea]Karnakeko aurrekarien gelan, Intef II.a, Intef I.aren oinordeko eta Intef III.aren aurreko errege bezala aipatzen da. Tod herriko Montu jainkoaren tenpluan, Mentuhotep I.a, Intef II.a eta Intef III.a, jainkoari ofrendak egiten irudikatzen dituen erliebe bat dago. Amon jainkoaren lehen testigutzak Karnaken, bere erregealdian datatuak izan ziren.
Intef II.a, harkaitzean zulatutako hilobi batean lurperatua izan zen, Saff el-Kisasiyan, Tebasen mendebaldeko ertzean, bere anaia eta aurreko erregea izan zen Intef I.arengandik gertu. Hilobiko kaperan, faraoia eta bere zakurren erliebe bat zuen hilarri bat aurkitu zen. Hilarria oso ospetsua da, bere zakurrik gogokoenak eta hauen izen ez egiptoarrak, euren itzulpen egiptoarrekin erakusten baititu. Ziuraski, euren izenak idatzita dituzten zakur batzuen irudikapenik antzinakoena da. Izenak, Behekay (gazela), Abaqer (erbi txakur) eta Pehetes (beltza) dira (Kairoko Egiptoar Museoa).
Elefantinako Satet jainkosaren tenplua berreraiki zuen. Tebasen dagoen hilarri batek, Uahanj Intef aipatzen du.
| Aurrekoa Intef I.a |
Egiptoko faraoia Egiptoko XI. dinastia |
Ondorengoa Intef III.a |
| Autoritate kontrola |
|
|---|
