Isabel Fernández Reviriego
| Isabel Fernández Reviriego | |
|---|---|
| Bizitza | |
| Jaiotzako izen-deiturak | Isabel Fernández Reviriego |
| Jaiotza | Bilbo, 1979ko apirilaren 7a (45 urte) |
| Herrialdea |  Bizkaia, Euskal Herria |
| Hezkuntza | |
| Heziketa | Madrilgo Karlos III.a Unibertsitatea |
| Hizkuntzak | gaztelania |
| Jarduerak | |
| Jarduerak | musikagilea, artista grafikoa eta disko-ekoizlea |
    | |
Isabel Fernández Reviriego (Bilbo, 1979ko apirilaren 7a)[1] bizkaitar musikagile, eta aldi berean soinu-banden konpositore gisa jarduten du.[2] Ekoizlea [3] eta artista grafikoa. Gaur egun, pertsona bakarreko proiektua da Aries, eta haren musika-jarduera Bilbon hasi zen 90eko hamarkadaren amaieran Electrobikinis taldea sortu zuen eta 2000ko hamarkadan Charades izenekoa. Madrilen jarraitu zuen, eta, ondoren, Vigon bakarkako artista gisa.
Bere proiektu guztien artean, hamar disko inguru argitaratu ditu, zazpi album barne, Espainian, Estatu Batuetan eta Japonian, eta hainbat artista eta bandarekin kolaboratu du, hala nola Delorean,[4] Atom Rhumba, Alberto Montero edo Wild Honey.
Biografia
[aldatu | aldatu iturburu kodea]Isabel Fernández Reviriego 1979ko apirilaren 7an jaio zen Bilbon. Bere nerabezaroan Guetxoko musika-girora joaten hasi zen, garai hartan oso dinamikoa baitzen Getxo Sound,[5] deritzonaren jardueraren ondorioz, eta garai hartan punka, rock and rolla eta 90eko hamarkadako korronte batzuk lantzen hasi zen.
Handik gutxira, 1997an, bere lehen taldea osatu zuen, eta harekin EP bat eta album bat grabatu zituen. Taldeko kide zen Miren Iza ere, geroago Tulsa taldea osatuko zuena, eta Asier Gurruchaga, ordurako Zodiacs taldean bateria zena.
2001ean Madrilera joan zen, eta han Giza Zientzietako lizentziaduna izan zen Carlos III Unibertsitatean, eta musika-jarduerarekin jarraitu zuen talde berri batean, Charades.[6] Bertan sinatu zituen lehen kantak gaztelaniaz, pixkanaka ahots-harmonietan oinarritutako pop estiloa lortuz, eta azkenean bere zigilu pertsonala bihurtu zen.
Bigarren ahotsen zalea zen. Hauxe zuen lema:
Inoiz ez da kororik sobratzen.
Charadesek hiru LP eta EP bat argitaratu zituen bederatzi urtean. Kill Rock Stars underground amerikar zigilu ospetsuak bere gaietako bat aukeratu zuen Tracks and fields (2004) bildumarako. En ningún lugar izeneko bigarren albuma, Japonian argitaratu zen Art Union zigiluarekin. La Blogoteque izeneko blog entzutetsuarentzat lan egin zuten, eta jaialdi nazional nagusietan, Erresuma Batuan, AEBn eta Espainian jo zuten. Azkenik, 2010eko abenduaren 13an, taldea 'hiato' mugagabe batean sartu aurretik azkena izango zela iragarri zuten.
Aries
[aldatu | aldatu iturburu kodea]Charadesen etenaldiaren ondoren, Isabel berriro joan zen Vigora. Hiri horretan askatu zuen bere literatura-ekoizpena (Madrilen hasia), eta zenbait argitalpen autoeditatu edo fanzin egin zituen, musikari, arteari, filosofiari, saiakerako testu laburrei eta autobiografikoei buruzko gogoetek osatuak, bere diseinuekin batera, sarritan collageak. Testu horietako batzuk, elkarrizketa zaharren eta material berrien laburpenekin batera, Un rayo ultravioleta izeneko lehen liburua osatu zuten.
Vigon bakarkako ibilbideari ekin zion, Aries izenaz(zeinu zodiakoa). Musika-tresna elektroniko ugari zuen soinu-formatu berrian barneratu zenproiektuan, baina oinarri harmonikoari eta pop-estiloari eutsi zion, melodia-aberastasun handiaz.
Ariesen grabazioek musika-munduaren arreta bereganatzen jarraitu zuten Espainia barruan eta kanpoan, eta, hala, albumetako hirugarren eta laugarrena, Adieu or die eta Juramento Mantarraya,[7] batera argitaratu zituzten La Castanyak Espainian eta K Records Estatu Batuetan eta Kanadan. Ariesek bira egin zuen AEB eta Europatik, nazioarteko jaialdi ugaritan parte hartuz, hala nola Primavera Sound, Eurosonic,[8] edo SXSW.
Magia Bruta
[aldatu | aldatu iturburu kodea]2021eko urrian, Magia Bruta izeneko bikote baten sorrera iragarri zuen, eta 2022ko otsailean argitaratu zuen Un día nuevo lehen albuma.
Bideo-jokoak eta marrazki bizidunak
[aldatu | aldatu iturburu kodea]Linea elektroniko eta melodiko berean, Isabelek Melbit World[2] bideo-jokoaren soinu-banda (Playstation, 2019) konposatu eta ekoitzi zuen, baita soinu-efektuen eta joko-ahotsen diseinua ere.
2011n, Cartoon Network-en Hora de aventura telesail animatuan lanean hasi zen. Bertan, pertsonaia ugari bikoiztu zituen,[9] besteak beste, Chicle printzesa, «Limoncín-en kanta» abestuz, «Limoncín, 2. zatia» kapituluan (5. denboraldia, 51. kapitulua).[10], Princesa Llama printzesa, Fionna,[11] Cake edo Andereño uhartea. Halaber, Apple & Onion (Cartoon Network) eta Summer Camp Island (Cartoon Network) serietan jarri du ahotsa.[12]
Soinu-bandak
[aldatu | aldatu iturburu kodea]Saturn is not faraway (2018) film laburraren soinu-banda ere konposatu du Isabelek Stella McCartney enpresarentzat. Kanadak ekoiztutako filma[13]
Diskografia
[aldatu | aldatu iturburu kodea]Electrobinikis
[aldatu | aldatu iturburu kodea]- Satan wears bra (EP, 1999)
- Electrobikinis (album, 2000)
Charades
[aldatu | aldatu iturburu kodea]- The only one (EP, 2004)
- When shining blue (album, 2006)
- En ningún lugar (album, 2008)
- Revolución solar (album, 2010)
Aries
[aldatu | aldatu iturburu kodea]- La magia bruta (album, 2012)
- Mermelada dorada (album, 2014)
- Adieu or die (album, 2016)
- Juramento mantarraya (album, 2019)
Magia Bruta
[aldatu | aldatu iturburu kodea]- Un día nuevo (album, 2022ko otsailaren 2an)
BSO
[aldatu | aldatu iturburu kodea]- Saturn is not faraway (Stella McCartney film laburra, 2018)
- Melbits world (Playstation bideojokoa, 2018)
Birnahasketak
[aldatu | aldatu iturburu kodea]- Beautiful Home, Alondra Bentley (2018)
- Caballo. Somos la Herencia (2018)
- Ocean, Furguson (2019)
- Glitch Girl, Royal flush (2019)
Liburuak
[aldatu | aldatu iturburu kodea]- Un rayo ultravioleta (2015)
- El gran libro de los perros liburururako kapitulua(2018)
Erreferentziak
[aldatu | aldatu iturburu kodea]- ↑ (Gaztelaniaz) El test de las 5: Aries | AltaFidelidad.org. (Noiz kontsultatua: 2022-05-05).
- ↑ a b Muro Jiménez, Fernando. (2010). Entrevista a Isabel Fernández, conferenciante invitada al ICM 2010. ISSN 1138-8927. (Noiz kontsultatua: 2022-05-05).
- ↑ (Gaztelaniaz) «Aries cambia de pantalla» Red Bull (Noiz kontsultatua: 2022-05-05).
- ↑ (Gaztelaniaz) Ayrton Senna EP. 2021-03-13 (Noiz kontsultatua: 2022-05-05).
- ↑ (Ingelesez) Un rayo ultravioleta. Fernández, Isa. (Noiz kontsultatua: 2022-05-05).
- ↑ (Ingelesez) «Revolución Solar, by CHARADES» BCore Disc (Noiz kontsultatua: 2022-05-05).
- ↑ (Ingelesez) «Juramento Mantarraya [KLP273»] The K Mail Order Department (Noiz kontsultatua: 2022-05-05).
- ↑ (Ingelesez) «Aries» Eurosonic Noorderslag (Noiz kontsultatua: 2022-05-05).[Betiko hautsitako esteka]
- ↑ Acompáñame - Hora de Aventuras (Español España). (Noiz kontsultatua: 2022-05-05).
- ↑ (Gaztelaniaz) Freire, Juan Manuel. (2016-05-06). «Todos los colores» elperiodico (Noiz kontsultatua: 2022-05-05).
- ↑ ««Canción "Hey niña buena", capítulo número 11 de la 5ª temporada, llamado "Bad Little Boy" ("Chico malo")». - Bing video» www.bing.com (Noiz kontsultatua: 2022-05-05).
- ↑ ««Cuña del show Campamento Mágico. - Bing video» www.bing.com (Noiz kontsultatua: 2022-05-05).
- ↑ ««La web de Canadá, Stella McCartney Kids: Saturn is not faraway». - Bing video» www.bing.com (Noiz kontsultatua: 2022-05-05).
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q24567336