Itzulera (abestia)

Itzulera (abestia)
Zetaken, Pello Reparazen eta Erramun Martikorenaren musika-lana
Egilea(k)	Zetak, Pello Reparaz eta Erramun Martikorena
Argitaratze-data	2022
Izenburua	Itzulera
Ezaugarriak
Genero artistikoa	electropopa
Hizkuntza	euskara
Bestelako lanak
Musikagilea	Zetak

Itzulera Zetak taldeak 2022ko Herri Urrats jairako sortu zuen abestia da.

Koronabirusagatik bi urtez egoera berezi batean egon ondoren, 2022koa "itzulera" desiratuaren urtea izan zen. Senpereko lakuko jaiaren leloa horixe izan zen. Giro horren barruan Itzuli zen Zetak taldea Herri Urrats-en abestiarekin batera. Zetak taldearen eta Erramun Martikorenaren arteko elkarlanean ateratako abestia da Itzulera.^[1] Erabateko estilo-aldaketa ekarri zuen. Bideoklipa Pello Repazek zuzendu zuen, Iratze Reparazekin batera, txalaparta eta Kukai dantza taldearen Oskara koreografia ere integratu zutela.^[2]

"Ez al gara, xorieri mintzo diren xoroak izango, betiko" esaldi horrekin Reparazek Erramunen Xorieri mintzo zen kantari egiten dio keinua ( "Xoriei mintzo zen, mintzo zen errekari oihaneko zuhaitzei ta zeruko izarrei, mintzo zen haizeari, xoro batentzat zaukaten").^[3] Gainera, kanta, espreski aipatu gabe baina, Hego eta Ipar Euskal Herriaz ari da. Txoriek ez dutelako mugarik, eta txoriak entzunez mugaz beste aldekoa gertu dugulako-edo, eta honekin lotuta, "zure zauria nirea da".

Hitzak

Hauek dira abestiaren lehen hitzak:^[4]

Mendikate honek lotuta

Zurekin mintzo direla diote xoriek

Esan zer kanta egin dizuten

Zein gertu gauden

Sentitzen al den

Amaiurren

Hori diote

Baigorrin ere

Mugalari hoiek

Mendikate honek lotuta

[...]

Ipar eta hegoaldearen arteko lotura azpimarratzea da abestiaren gai nagusia.

Mendikate batek alde bi guztiz banatzen dituela esan ohi da beti, baina kanta honek alderantzizkoa erakutsi nahi digu hasiera-hasieratik:"Mendikate honek lotuta".

Txoriek erraz pasatzen dira mendikateko alde batetik batera mezuak eramateko: "Zurekin mintzo direla diote xoriek. Esan zer kanta egin dizuten, Zein gertu gauden", "Xoriak mugaren bestalde, Jantzia dute, Doinu dotorez. Gaztelugatxe" " Ta estali dute Larrun bera ere".

Espazioa eta sentipena konpartitzen dute alde biek: "Zure zauria nirea da. Ta kantu hau biona. Erkidetasunaren bozeramaile, Zeuen urratsa geurea da, ta [pandemia bukatu ondorengo] itzulera denona".

Erreferentziak

↑ «HERRI URRATSEKO ABESTIA» Herri Urrats (kontsulta data: 2022-08-18).
↑ ZETAK, Erramun Martikorena - Itzulera (Herri Urrats 2022). (kontsulta data: 2022-08-18).
↑ Gabi de la Maza. (2010-01-17). Xorieri mintzo zen (Erramun Martikorena). (kontsulta data: 2025-09-11).
↑ Itzulera( ZETAK-Erramun Martikorena) Herri Urrats 2022 | Txantxangorria-Euskal karaokeak. 2022-04-08 (kontsulta data: 2022-08-18).

Ikus, gainera

Kanpo estekak

Itzulera abestiaren hitzak Genius.com
Itzulera( ZETAK-Erramun Martikorena) Herri Urrats 2022 txantxangorria.eus
Itzulera. - ZETAK, Erramun Martikorena (Herri Urrats 2022). Youtube (Noiz kontsultatua: 2022-08-18).

Zetak Spotify
Zetak Youtube
Zetak. Kontzertua Tolosan 2021. 40 argazki CC-BY-SA lizentziarekin. Plazara, Kultura. (2021-07-16).

Datuak: Q113551519

[1] «HERRI URRATSEKO ABESTIA» Herri Urrats (kontsulta data: 2022-08-18).

[2] ZETAK, Erramun Martikorena - Itzulera (Herri Urrats 2022). (kontsulta data: 2022-08-18).

[3] Gabi de la Maza. (2010-01-17). Xorieri mintzo zen (Erramun Martikorena). (kontsulta data: 2025-09-11).

[4] Itzulera( ZETAK-Erramun Martikorena) Herri Urrats 2022 | Txantxangorria-Euskal karaokeak. 2022-04-08 (kontsulta data: 2022-08-18).

[1]

[2]

[3]

[4]