Jacob Elordi
| Jacob Elordi | |
|---|---|
.png) (2025) | |
| Bizitza | |
| Jaiotza | Nudgee (en)  , 1997ko ekainaren 26a (29 urte) |
| Herrialdea |  Australia |
| Lehen hizkuntza | Australiako ingelesa |
| Hezkuntza | |
| Heziketa | St Kevin's College St Joseph's College, Nudgee |
| Hizkuntzak | ingelesa Australiako ingelesa |
| Jarduerak | |
| Jarduerak | aktorea, zinema aktorea eta telebista-aktorea |
| Pisua | 87 kilogramo |
| Altuera | 196 zentimetro |
| Lan nabarmenak | |
| Jasotako sariak | |
            | |
Jacob Elordi (Brisbane, Australia, 1997ko ekainaren 26a) aktorea da. Nazionalitatez australiarra da, euskal herritar jatorrikoa.[1] HBO kateko Euphoria telesail arrakastatsuan, Nate Jacobsen rola jokatzen du.
Bizitza
[aldatu | aldatu iturburu kodea]Elordi Australiako Queensland estatuko Brisbane hirian jaio zen, 1997ko ekainaren 26an. Haren gurasoak John eta Melissa Elordi dira, hiru arreba nagusi ditu, eta euskaldun jatorrikoa da.[2] John aita Markina-Xemeinen jaio zen eta zortzi zituela Australiara emigratu zuen Bilbotik, diktadura frankistatik ihesiz.[3] Aitona, Joaquin Elordi, ondarroarra zuen.[4] "Aitonak ito egingo ninduke espainiar jatorria esaten zuela jakingo balu", esan du Elordik bere ingelesezko Wikipediako orrialdea ikustean.[5][6] Bigarren Hezkuntza St. Kevin's College eskolan, Melbournen, egin zuen, eta, gero, Brisbaneko Nudgee Collegera joan zen. Antzerkian interesa agertu zuen gaztetatik, eta eskolako antzerki-lan askotan parte hartu zuen.
Hollywoodeko lehen esperientzia Pirates of the Caribbean: Dead Men Tell No Tales filmean izan zuen Elordik, figurante lanetan. Lehen papera Australiako Swinging Safari filmean izan zuen, 2018an, Roosterren rola jokatu baitzuen.[7] Ospea etorri zitzaion Netflixeko The Kissing Booth film erromantikoan, Noah Flynn protagonistaren paperarekin. 2018ko maiatzean estreinatu zen. The Kissing Booth 2 filmaren jarraipena ere egin zuen.[8] 2019. urtearen erdialdean filmatu zen Lurmutur Hirian, eta 2020ko uztailean atera zen.[9] The Kissing Booth 3 2021eko abuztuaren 11n estreinatu zen Netflixen.
2019an, Elordi izan zen The Mortuary Collection beldurrezko filmaren protagonista, eta HBOko Euphoria telesailean hasi zen, Nate Jacobsen paperean.[10]
2022an, Adrian Lyneren Deep Water thriller erotikoan agertu zen.[11]
Saltburn, Emalda Fennell-en hurrengo thrillerrean, eta The Sweet East, Sean Price Williams-en filmean ere Elordi izango da protagonista[12][13] eta Sofia Coppolaren Priscilla filmean Elvis Presleyren papera egingo du.[14]
Filmografia
[aldatu | aldatu iturburu kodea]Zinema
[aldatu | aldatu iturburu kodea]| Urtea | Izenburua | Rola |
|---|---|---|
| 2015 | Carpe Liam | Liam |
| 2016 | Max & Iosefa | Max |
| 2017 | Pirates of the Caribbean: Dead Men Tell No Tales | St. Martins Marine |
| 2018 | The Kissing Booth | Noah Flynn |
| 2018 | Swinging Safari | Rooster |
| 2019 | Bad Dream | Husband |
| 2019 | The Mortuary Collection | Jake |
| 2020 | The Kissing Booth 2 | Noah Flynn |
| 2020 | Deep Water | Ricky |
| 2020 | 2 Hearts | Chris |
| 2021 | The Kissing Booth 3 | Noah Flynn |
| 2022 | Deep Water | Charlie De Lisle |
| 2023 | He Went That Way | Bobby Falls |
| Priscilla | Elvis Presley | |
| Saltburn | Felix Catton | |
| The Sweet East | Ian Reynolds | |
| 2024 | Oh, Canada | Young Leonard Fife |
| On Swift Horses | Julius Walker | |
| 2025 | Frankenstein | Frankensteinen munstroa |
Telebista
[aldatu | aldatu iturburu kodea]| Urtea | Izenburua | Rola |
|---|---|---|
| 2019 | The Bend | Lucas Jackson |
| 2019–gaur egun | Euphoria | Nate Jacobs |
| 2020 | Acting for a Cause | Mr. Darcy |
| 2025 | The Narrow Road to the Deep North | Dorrigo Evans |
Erreferentziak
[aldatu | aldatu iturburu kodea]- ↑ (Ingelesez) Rodriguez, Victoria. (2018-07-05). «“The Kissing Booth”’s Jacob Elordi Will Star In a New Movie With This "Riverdale" Actor!» Seventeen (kontsulta data: 2020-08-01).
- ↑ (Gaztelaniaz) «Jacob Elordi tiene ascendencia español... perdón, vasca» eCartelera (kontsulta data: 2020-08-01).
- ↑ «Jacob Elordi Posing for Paola Kudacki in El Pais Cover Story» Male Model Scene 2022-3-16.
- ↑ (Gaztelaniaz) «El actor Jacob Elordi, sobre sus orígenes vizcaínos: «Mi abuelo era de Ondarroa y cortaba caña de azúcar con 8 dólares en el bolsillo»» El Correo 2025-6-4.
- ↑ «Jacob Elordi Replies to Fans on the Internet» GQ 2020-7-30.
- ↑ «All About Jacob Elordi's Parents, John and Melissa Elordi» People 2023-11-3.
- ↑ (Ingelesez) «‘The Kissing Booth’ Stars Joey King and Jacob Elordi Are Kissing In Real Life» Decider 2018-05-15 (kontsulta data: 2020-08-01).
- ↑ (Ingelesez) «Will there be a sequel to The Kissing Booth?» Metro 2018-05-27 (kontsulta data: 2020-08-01).
- ↑ (Ingelesez) Gemmill, Allie. «Joey King Is Officially Done Filming ‘The Kissing Booth’ Sequel» Teen Vogue (kontsulta data: 2020-08-01).
- ↑ (Ingelesez) Framke, Caroline; Framke, Caroline. (2019-06-13). «TV Review: HBO’s ‘Euphoria’ Starring Zendaya» Variety (kontsulta data: 2020-08-01).
- ↑ (Ingelesez) N'Duka, Andreas Wiseman,Amanda; Wiseman, Andreas; N'Duka, Amanda. (2019-11-14). «‘Deep Water’: Lil Rel Howery, Jacob Elordi & Dash Mihok Among Cast To Join Ben Affleck & Ana De Armas In Adrian Lyne Thriller, Cameras Roll» Deadline (kontsulta data: 2023-02-06).
- ↑ (Ingelesez) Kroll, Justin. (2022-05-12). «‘Euphoria’s Jacob Elordi And Barry Keoghan To Co-Star With Rosamund Pike In Emerald Fennell’s ‘Saltburn’ For MRC Film And LuckyChap: Hot Cannes Market Package» Deadline (kontsulta data: 2023-02-06).
- ↑ (Ingelesez) Nast, Condé. (2022-08-08). «How Jacob Elordi Became Gen Z's Leading Man» GQ (kontsulta data: 2023-02-06).
- ↑ (Ingelesez) Kit, Borys. (2022-09-12). «Jacob Elordi to Play Elvis Presley in Sofia Coppola’s ‘Priscilla’» Billboard (kontsulta data: 2023-02-06).
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q53909401
Multimedia: Jacob Elordi / Q53909401