Sofia Coppola

Sofia Coppola
	; (2014) Irudi gehiago
Bizitza
Jaiotzako izen-deiturak	Sofia Carmina Coppola
Jaiotza	New York, 1971ko maiatzaren 14a (51 urte)
Herrialdea	Ameriketako Estatu Batuak
Bizilekua	West Village (en)
Lehen hizkuntza	ingelesa
Familia
Aita	Francis Ford Coppola
Ama	Eleanor Coppola
Ezkontidea(k)	Spike Jonze (1999 - 2003); Thomas Mars (en) (2011 -
Anai-arrebak	ikusi Roman Coppola; Gian-Carlo Coppola;
Familia	ikusi Nicolas Cage (lehengusu);
Hezkuntza
Heziketa	California Institute of the Arts (en) ; Mills College at Northeastern (en) ; Ethical Culture Fieldston School (en)
Hizkuntzak	ingelesa
Jarduerak
Jarduerak	aktorea, film-zuzendaria, gidoilaria, idazlea eta zinema aktorea
Lan nabarmenak	Hi Octane (en)
Jasotako sariak	ikusi Writers Guild of America Award ; Jatorrizko gidoi onenaren Oscar Saria (2003) : Lost in Translation; Golden Raspberry Award for Worst Supporting Actress (1991) : The Godfather, Part III; Golden Raspberry Award for Worst New Star (1991) : The Godfather, Part III;
Kidetza	Coppola familia; Directors Guild of America (en) ; Writers Guild of America West (en)

Sofia Carmina Coppola (New York, 1971ko maiatzaren 14a)^[1] Estatu Batuetako zuzendari, gidoigile, aktore, ekoizlea eta produktorea da. Francis Ford Coppola eta Eleanor Coppolaren alaba, Roman Coppolaren arreba eta Nicolas Cagen lehengusina da. 2004ean Gidoi Original onenaren Oscarra irabazi zuen Lost In Translation (2003) pelikularengatik. Premio horri esker, Coppola familiako 3. belaunaldia bihurtu zen Oscar sari batekin^[2]. Gainera, Zuzendari onenaren Oscar Sarirako izendapena lortzeko hirugarren emakumea izateaz gain, Cannes Zinemaldian 2017an The Beguilded filmagatik Zuzendari onenaren izendapena lortzean, bere historiako lorpen hori lortzen zuen bigarren emakumea izan zen.^[3]

Bizitza[aldatu | aldatu iturburu kodea]

Umea zelarik estra gisan agertu zen Francis Ford Coppola aitaren film askotan. The Godfather-ren esaterako, bataiatzen ari den haurra da. 1987ko Anna izeneko filmean aitarekin loturarik ez zuen haren lehen agerraldia izan zen. Nolanahi ere, paper ezagunena 1990eko The Godfather: Part IIIko Mary Corleonerena du. Winona Ryder gaixotu ostean hartu zuten. Kritika gogorrak jasan behar izan zituen. Hori zela eta, aktoretzari utzi eta zuzendaritzara pasatu zen, nahiz eta beste film bakanetan, 1999ko The Phantom Menace adibidez, papertxoren bat izan duen.

Zuzendari gisa arrakasta handiagoa lortu du. 2003ko Lost in Translation filmarengatik zuzendari onenaren Oscar Sarirako izendapena eskuratu zuen: historiako hirugarren emakumea da eta Estatu Batuetako lehendabizikoa. Hala eta guztiz ere, kritikak jasotzen segitu behar izan du, batik bat aita hura gabe horrelako ospea erdiestea ezinezkoa izanen zela leporatzen diote.