Jasmine Camacho-Quinn

Dominak
100 metroko hesi-lasterketa
Olinpiar jokoak

Jasmine Camacho-Quinn
	; (2018) Irudi gehiago
Bizitza
Jaiotza	Charleston, 1996ko abuztuaren 21a (27 urte)
Herrialdea	Ameriketako Estatu Batuak
Familia
Anai-arrebak	ikusi Robert Quinn (en) ;
Hezkuntza
Heziketa	Kentuckyko Unibertsitatea ; Fort Dorchester High School (en)
Hizkuntzak	ingelesa; gaztelania
Jarduerak
Jarduerak	atleta
	Parte-hartzailea atletismoa 2016ko Olinpiar Jokoetan ; Atletismoa 2020ko Udako Olinpiar Jokoetan ; 2016 NACAC Under-23 Championships in Athletics (en) ; Atletismoa 2020ko Udako Olinpiar Jokoetan - Emakumezkoak 100 metro hesiak (1.) ;
Pisua	73 kilogramo
Altuera	180 zentimetro
Kidetza	Kentucky Wildcats (en)

Jasmine Camacho-Quinn (North Charleston, Hego Carolina, 1996ko abuztuaren 21a) Puerto Rico-ko atleta da, 100 metroko hesi-lasterketan aritzen dena. 2021an, 2020ko Udako Olinpiar Jokoetan, historiako bigarren Puerto Ricotar eta jatorri afro-latindarreko lehenengo emakumea izan zen urrezko domina bat irabazten.^[1]

Atleta-familia batekoa da, eta James eta Maria gurasoak North Charlestongo (Hego Carolina) Charleston Southern Unibertsitatean ari ziren atletismoan.^[2] Ama, María Camacho, Trujillo Alto-n (Puerto Rico) jaio eta hazi zen, familia New Jerseyra joan zen arte.^[3]^[4] Robert Quinn, futbol amerikarreko jokalaria, bere anaia da.^[5] Kentucky Wildcats, Kentucky Unibertsitateko emakumezkoen atleta-taldeko kidea izan zen. Lehenago talde horretan Kendra Harrison atleta izan zen, 2016an 100 metroko hesi-lasterketan munduko errekorra ezarri zuena, 12:20ko denborarekin.^[6]

2016an, Rio de Janeiroko Udako olinpiar jokoetan parte hartu zuen. Han, finalerdietan hesi batekin estropezu egin eta ezin izan zuen lasterketa amaitu.^[7] 2021ean, diziplina berean, Tokioko 2020ko Udako Olinpiar Jokoetan urrezko domina irabazi zuen, errekor olinpiko berri bat ezarriz, 12:26an finalerdietan, 2012ko Sally Pearson (12:35) australiarraren aurreko marka gaindituz, eta historiako laugarren markarik onena izanik.^[8]^[1]^[9]