Joplin (softwarea)

Wikipedia, Entziklopedia askea
Joplin
Jatorria
Azken bertsioa2.14.20
Ezaugarriak
Egile-eskubideakcopyrightduna
LizentziaAffero General Public License (en) Itzuli
Euskaraz
EuskarazOraingoz Ez[1]
https://joplinapp.org/
Mastodon: joplinapp@mastodon.social
Iturri-kodeahttps://github.com/laurent22/joplin

 

Joplin software libreaz eraikitako doaneko aplikazio bat da, kode irekikoa, jatorriz Unix-en erabiltzeko sortua eta gero hainbat plataformatan erabilgarri (macOS, Microsoft Windows eta Linux, iOS, Bluetooth eta Linux/Windows terminaletan erabilgarri.[2]). Oharrak idazteko, notak hartzeko, eta idatzitako guztiaren zerrendak egiteko, eginbeharrekoen zerrendak egiteko, pentsatuta dago. JavaScript-en idatzita dago. Mahaigaineko aplikazioa Electron erabiliz egiten da; aplikazio mugikorrak, berriz, React Native erabiltzen du.

Historia[aldatu | aldatu iturburu kodea]

Joplin software honek Scott Joplin konpositore eta piano-jolearen izena darama.[3]

Laurent Cozic Joplin honetan hasi zen lanean 2016. urtean, eta Android-en lehen bertsioa 2017. urteko uztailaren 28an argitaratu zen.[4]

Mahaigaineko aplikazioen lehen argitalpena 0.10.19 bertsioa izan zen, 2017ko azaroaren 20an.[5][6][7]

Chromerako Clipper Web bat 2017ko abenduan argitaratu zen eta Firefox gehigarria 2018ko maiatzean kaleratu zen.[8]

2021ean Joplin Cloud zerbitzu berria sartu zen, Joplin Server-en aplikazio batekin batera.[9] Bi produktuak oharrak, eginbeharrekoen zerrendak, koadernoak eta nota-datuak gailuen artean sinkronizatzeko erabil daitezke, bai eta oharrak edo koadernoak Joplinen beste erabiltzaile batzuekin partekatzeko edo, are, edukia web-ean argitaratzeko ere.

Ezaugarriak[aldatu | aldatu iturburu kodea]

  • Markdown formatuko oharrak idazteko aukera,
  • Get Things Done metodologia pixkanaka-pixkanaka ezartzen duen eginbeharrekoen zerrenda,
  • Markdownen luzapenak eta gehigarriak,
  • Testu bakuneko fitxategietan biltegiratzea,
  • Bezeroaren aldeko hautazko zifratze sistema,
  • Koaderno eta azpikoadernoen antolaketa sistema
  • Etiketatze-sistema,
  • "Offline-first", notak beti daude eskuragarri, ezer baino lehen, modu lokalean, eta nahi izanez gero Internetaren bidez sinkroniza daitezke,
  • Firefox eta Google Chromerako web-gehigarriak
  • Oharrak sinkronizatzeko hainbat aukera: Joplin Cloud, Nextcloud, Dropbox, OneDrive, WebDAV, edo (sarean) fitxategi-sistemarekin sinkronizatzeko.

Lan-fluxua eta Joplinen ezaugarriak direla eta, askotan Joplin eta Evernote alderatzen dira.[10][11][12][13][14]

Ikus gainera[aldatu | aldatu iturburu kodea]

Ikus, gainera[aldatu | aldatu iturburu kodea]

Erreferentziak[aldatu | aldatu iturburu kodea]

  1. ↑ Software librea izanda, Librezale taldeko boluntarioren bat ibili da euskarazko lokalizazioa egiten. Lokalizazioaren egoera ikusteko: (Ingelesez) «Localisation | Joplin» joplinapp.org (Noiz kontsultatua: 2024-01-02).
  2. ↑ Joplin: An open source note taking and to-do application with synchronisation capabilities. .
  3. ↑ FAQ: Why is it named Joplin?. .
  4. ↑ Interview with Laurent Cozic. 8 September 2022.
  5. ↑ Release v0.10.19. Nov 20, 2017.
  6. ↑ Joplin Changelog. .
  7. ↑ «An introduction to Joplin, an open source Evernote alternative» Opensource.com Dec 14, 2017.
  8. ↑ Hesse, Brendan. (Sep 3, 2019). The Best Note-taking Apps. .
  9. ↑ Cozic, Laurent. (Jun 15, 2021). Introducing Joplin Cloud Beta Program!. .
  10. ↑ Prakash, Abhishek. (May 29, 2020). «Joplin: The True Open Source Evernote Alternative» It's FOSS.
  11. ↑ Prakash, Abhishek. (May 29, 2020). «Looking for Some Good Note Taking Apps on Linux? Here are the Best Notes Apps we Found for You» It's FOSS.
  12. ↑ Sneddon, Joey. (Dec 10, 2017). «Joplin is an Open-Source Evernote Alternative» OMG!Ubuntu!.
  13. ↑ Hesse, Brendan. (Sep 3, 2019). «Hive Five: The Best Note-Taking Apps» Lifehacker.
  14. ↑ Torres, JC. (Oct 31, 2018). «Evernote open source alternatives, Part3: Joplin» SlashGear.

Kanpoko estekak[aldatu | aldatu iturburu kodea]

"https://eu.wikipedia.org/w/index.php?title=Joplin_(softwarea)&oldid=9542450"(e)tik eskuratuta