Josep Maria Bartomeu

Wikipedia, Entziklopedia askea
Jump to navigation Jump to search
Josep Maria Bartomeu
Josep Maria Bartomeu 2014 (cropped).jpg
presidente

Bizitza
Izen osoa Josep Maria Bartomeu Floreta
Jaiotza Bartzelona1963ko otsailaren  6a (56 urte)
Herrialdea Katalunia
Hezkuntza
Hizkuntzak katalana
gaztelania
Jarduerak
Jarduerak enpresaburua, merkataria, ekintzailea eta sports administratorra Itzuli
Ibilbidea
Taldeak Urteak J G
Flag of None.svg Futbol Club Barcelona-
 
Sinesmenak eta ideologia
Erlijioa katolizismoa

Josep Maria Bartomeu Floreta (Bartzelona, Katalunia, 1963ko otsailaren 6a) enpresaburu eta kirol arloko buru bat da. 2014tik gaur egun arte FC Bartzelona taldearen presidentea da.

Gaztaroa[aldatu | aldatu iturburu kodea]

Enpresen Administrazioko titulua eskuratu zuen arren, Bartomeu saskibaloian aritzen zen. RCD Espanyol eta FC Bartzelona saskibaloi taldeetan jokatu zuen, baina ez zen inoiz profesionala izatea lortu.

Familiaren enpresan hasi zen lan egiten oso gazte.

FC Bartzelona[aldatu | aldatu iturburu kodea]

Zuzendaritza, Joan Laportarekin (2003-2005)[aldatu | aldatu iturburu kodea]

Sandro Rosellen laguna zen, eta biek parte hartu zuten Joan Laportaren presidentetzan 2003tik aurrera. Saskibaloiaren, hockeyaren eta eskubaloiaren arduraduna izatea lortu zuen eta urte horretan saskibaloi taldeak ACB liga eta Superkopa irabazi zituen.

Hala ere, 2004tik aurrera Laportarekin lehen desadostasunak izan zituen. Izan ere, presidenteak egindako aldaketak eta administratzeko era ez zituen gustuko Bartomeuk (saskibaloi taldearen entrenatzaile berriaren izendapena, esaterako). Azkenean, 2005ean kargua utzi zuen zuzendaritzako beste kide batzuekin batera.

Ordezko presidentea, Sandro Rosellekin (2010-2014)[aldatu | aldatu iturburu kodea]

2010tik 2014ra Bartomeu Rosell presidentearen ordezkaria izan zen, azken horrek hauteskundeak irabazi baitzituen.

Lehendakaritza (2014-2015)[aldatu | aldatu iturburu kodea]

2014ko urtarrilaren 23an Rosellek bere kargutik dimisioa eman zuen, Neymar futbolariari egindako ordainketetan arau hausteak izan zirelako. Berehala Bartomeu presidente bihurtu zen (klubaren 40. presidentea baita); eta egun, nahiz eta Neymar kasuaren inguruan deklaratu behar izan duen, ez du bere lanpostua utzi.