Julen Zabaleta

Julen Zabaleta
Bizitza
Jaiotza	Elgoibar, 1921eko otsailaren 14a
Herrialdea	Gipuzkoa, Euskal Herria
Heriotza	Mendaro, 2022ko otsailaren 26a (101 urte)
Hezkuntza
Hizkuntzak	euskara
Jarduerak
Jarduerak	marrazkilaria eta ilustratzailea

Julen Zabaleta Barrenetxea, Yulen sinadurarekin ezaguna (Elgoibar, Gipuzkoa, 1921eko otsailaren 14a - Mendaro, Gipuzkoa, 2022ko otsailaren 26a), euskal marrazkilaria izan zen.

Biografia

Elgoibarko San Bartolome kalean jaio zen. Gerora, Sallobente-Ermuaran auzoko Musillo baserrian ere bizi izan zen, eta auzoko eskolan ikasi zuen. Aita Agirre eskolan jarraitu zuen lehen hezkuntza ikasten, eta lanbide heziketa ikasketak ere bertan egin zituen. Bernardo Ezenarro izan zuen marrazketa artistiko eta lineal ikasgaian irakasle, eta haren lekua hartu zuen ondoren Zabaletak.

Elgoibarko forjetan hasi zen lanean, eta soldadutza amaitu ondoren Jose Leon Ziaranekin hasi zen lanean, tornulari. Jarben egin zuen lan ondoren, eta han hasi zen delineatzaile lanetan. Geminisen ere egin zituen urte batzuk, Inca enpresan ere bai eta azkenik Goitin, erretiroa hartu zuen arte. Danobatentzat ere egin zuen lan, baina Goitiko langilea zen.

Marrazteko zaletasuna izan zuen umetatik, eta Euskal Herriko eraikin, festa, pertsonai, paisaia eta bestelakoak marraztu zituen lumaz. 7.000 marrazki inguru egin zituen, eta liburuetarako ilustrazio lanak ere egin zituen.

Sariak

2018an Debegesak 'Gure Balioak' saria eman zion, bere bizi luzean sustatu dituen giza balioengatik.

Argitalpenak

• Pan Pin, Zeruko Argia aldizkariaren (1960 - 1969)
• Eibar, Tintaz eta lumaz (2010)
• Amaia: VIII. Mendeko euskaldunen istorioak (2006),
• Elgoibar, ayer y hoy (2008)
• Oficios Tradicionales Vascos (2013).
• Beasaingo Paperak: Goierri marrazkitan (2013)
• 'Yulen 100 urte' . (2022)

Kanpo estekak

• Datuak: Q115736441