Karlos III.a etorbidea (Iruñea)

; Karlos III.a hiribidea
Kokapena
Udalerria	Iruñea
Probintzia	Nafarroa
Herrialdea	Euskal Herria

Karlos III.a etorbidea edota Karlos III.a hiribidea, ofizialki Karlos III.a Noblearen etorbidea, Nafarroako (Euskal Herria) hiriburua den Iruñea erdiguneko hiribide edo etorbide garrantzitsu bat da. Izena Karlos III.a Nafarroakoaren omenez darama.

Etorbidea

Etorbide edo hiribide hau oso luzea eta zabala da, Iruñeko Bigarren Zabalgunearen bi ardatz nagusietako bat delarik (bestea Nafarroa Behereko etorbidea da), Gazteluko plazan hasi eta Askatasunaren plazan amaitzen da, bere erdialdean Merindadeen plaza biribildu eta iturriduna dagoelarik. Karlos III.a hiribideak merkatal izakera du, bere bi alboetan denda ugari daudelarik, horretaz gain kultura, banka eta nafar erakundeen eraikin ofizialak ere baditu, adibidez: Nafarroako jauregia, Gaiarre antzokia, Nafarroako Kutxaren egoitza, Eroritakoen monumentua etab.

Eraikin eta eskultura interesgarriak

Karlos III.a hiribidean honako eraikin eta eskultura nabarmen hauek daude:

Gazteluko Plaza
Nafarroako jauregia
Karlos III.a Noblearen monumentua etorbidearen hasieran
Gaiarre antzokia
Entzierroaren monumentua
Nafarroako Kutxaren egoitza
Merindadeen plaza
San Antonio eliza.
Eroritakoen monumentua

Azpiegiturak eta garraioa

Karlos III.a etorbidean Iruñerriko Eskualdeko Hiri Garraioaren honako lineek zerbitzua eskaintzen dute:

Ibilbidea	Ordutegia	Maiztasuna
San Inazio etorbidea - Zizur Nagusia	Gauez	60´
Labriteko Jaitsiera - Noain - Beriain Zaharra	Gauez	60´
Sarasateko Pasealekua - Nafarroa Beherea etorbidea	Gauez	15´- 30´