Kataluniako Finantza Institutua
| Kataluniako Finantza Institutua | |
|---|---|
 | |
| Datuak | |
| Izen laburra | ICF |
| Mota | Kreditu entitatea |
| Herrialdea |  Katalunia |
| Agintea | |
| Zuzendaria | Víctor Guardiola Flores |
| Egoitza nagusi | |
| Jabea | Kataluniako Generalitatea (%100) |
| Historia | |
| Sorrera | 1985 |
Webgunea    | |
Kataluniako Finantza Institutua[1][2] (katalanez eta ofizialki, Institut Català de Finances) edo ICF, 1985ean sortutako finantza-entitate publikoa da, non entitatearen akziodun bakarra Kataluniako Generalitatea den. ICFaren helburu nagusia Kataluniako ekonomia bultzatzea da, enpresa-sareari finantzaketa-sarreran lagunduz, sektore finantziero pribatuaren konplementu modura. Hala, ICFak, mailegu, abal eta arrisku-kapitaleko inbertsio bidez, enpresa-proiektu ezberdinak finantziatzen ditu, besteak beste, merkatu nazional eta internazionaletatik jasotako diruarekin.
ICFa zuzenbide pribatuaren eraginpean dagoen entitate publikoa da; hau da, entitateak pertsonalitate juridiko propioa du eta bere aktibitatea bere lege propioaren eraginpean dago, bai eta Kataluniako Enpresa Publikoen Estatutuaren zein bestelako ordenamendu juridikoaren eraginpean ere. Hala, ICFaren aktibitatea 4/2002 Legislazio Dekretupean dago, 1985ean onetsitako 2/1985 Legea (Kataluniako Finantza Institutuaren Legea) modifikatzen duena, besteak beste.[3] Dekretu hau, halaber, hainbat alditan izan da modifikatua; garrantzitsuenak, 2/2015 edo 4/2015 Lege Dekretuen bidez[4][5] zein 5/2017 Legearen bidez.[6]
Barne-gobernua, estruktura eta bestela jardunbideak Europako banku-arautegiari jarraitzen diote (nagusiki, 2013/36/EU Zuzentaraua, 575/2013 Araua eta Basilea III)[7][8] bai eta arautegi espainolari ere (10/2014 Legea eta 84/2015 Errege Dekretua, aurreko legea hedatzen duena).[9][10]
Bi dira ICFaren gobernu-organoak: Gobernu Batzordea (Junta de Govern) eta kontseilari delegatua (conseller/a delegat/da), egun Víctor Guardiola Flores dena.[11][12] 2020. urtean 1,328.9 milioi euro eman ziren, zeinetatik 1,046.1 ICFaren bidez eman ziren eta, bestelako 282.9ak, Avalis de Catalunya-ren bidez, ICFaren menpeko sozietatea, 123,500 lanpostu sortu edota mantentzeko aukera eman zuena. Azken urtean emandako maileguen %97a, aurreko urteetako tonikari jarraituz, autonomo-kolektiboari eta pymei eman zitzaien.[13]
Negozio-eredua[aldatu | aldatu iturburu kodea]
Esan bezala, entitatearen helburu nagusia enpresa-proiektu ezberdinak finantziatzea da, hiru sistema nagusiren bidez:
- Maileguak: enpresa, entitate, pyme eta autonomoen inbertsio-proiektuetan laguntzeko maileguak ematea.
- Abalak: enpresei entitate finantziero pribatuen kreditu-sarrerarako garantia-emakida.
- Arrisku-kapitaleko inbertsioak: enpresa eta start upen handitze-, berritze- eta sortze-helburuarekin arrisku-kapitaleko inbertsioen ematea.
ICF Taldearen sozietateak[aldatu | aldatu iturburu kodea]
ICFa, Talde mailan, bi eskumendeko sozietate ditu: IFEM (Enpresa Berritzaileentzako Finantza-Tresnak; katalanez eta ofizialki, Instruments Fincancers per a Empreses Innovadores) eta ICF Capital. Lehenengoaren bidez hazkuntza ekonomikoaren hasiera-faseetan dauden enpresak finantziatzen diren bezala, maileguen bidez, bigarrenak arrisku-kapitaleko entitateekin du harremana; hala, ICF Capitalek, zuzenean, halako hiru entitate gestionatzen ditu: ICF Capital Expansió II, ICF Venture Tech II eta BCN Emprèn.
Aipatutako bi eskumendeko sozietateez gain, zeinetan jabea, %100ean, ICF den, entitateak, bestelako finantza-entitate eta enpresa-sektoreekin batera, Avalis de Catalunya sozietatean parte hartzen du ere, Kataluniako Generalitateak 2003an bultzatutakoa eta autonomo eta pymeentzako abal tekniko zein ekonomikoak errazteko helburuarekin sortutakoa, jatorri publiko-pribatuko kapitalarekin finantziatutakoa.
Erreferentziak[aldatu | aldatu iturburu kodea]
- ↑ «Generalitateak bermatuko ditu, azkenean, Espainiako Kontu Auzitegiak eskatutako fidantzak» EITB Euskal Irrati Telebista 2021-07-21 (Noiz kontsultatua: 2021-07-22).
- ↑ Garcia, Adrian. «Generalitateak eta Madrilek auzitegiak saihestuko dituzte bost gai "tekniko" adostuta» Berria (Noiz kontsultatua: 2021-07-22).
- ↑ (Katalanez) «Decret legislatiu 4/2002, de 24 de desembre, pel qual s'aprova el Text refós de la Llei de l'Institut Català de Finances» Cercador d'Informació i Documentació Oficials (CIDO) - Diputació de Barcelona (Noiz kontsultatua: 2021-07-23).
- ↑ (Katalanez) «Decret llei 2/2015, de 28 de juliol, pel qual es modifica parcialment el text refós de la llei de l'Institut Català de Finances, aprovat pel decret legislatiu 4/2002, de 24 de desembre» Cercador d'Informació i Documentació Oficials (CIDO) - Diputació de Barcelona (Noiz kontsultatua: 2021-07-23).
- ↑ (Katalanez) «Decret llei 4/2015, de 29 de desembre, de necessitats financeres del sector públic i altres mesures urgents en pròrroga pressupostària» Cercador d'Informació i Documentació Oficials (CIDO) - Diputació de Barcelona (Noiz kontsultatua: 2021-07-23).
- ↑ (Katalanez) «Llei 5/2017, del 28 de març, de mesures fiscals, administratives, financeres i del sector públic i de creació i regulació dels impostos sobre grans establiments comercials, sobre estades en establiments turístics, sobre elements radiotòxics, sobre begudes ensucrades envasades i sobre emissions de diòxid de carboni» Cercador d'Informació i Documentació Oficials (CIDO) - Diputació de Barcelona (Noiz kontsultatua: 2021-07-23).
- ↑ (Ingelesez) Directive 2013/36/EU of the European Parliament and of the Council of 26 June 2013 on access to the activity of credit institutions and the prudential supervision of credit institutions and investment firms, amending Directive 2002/87/EC and repealing Directives 2006/48/EC and 2006/49/EC Text with EEA relevance. 2013-06-27 (Noiz kontsultatua: 2021-07-23).
- ↑ (Ingelesez) Regulation (EU) No 575/2013 of the European Parliament and of the Council of 26 June 2013 on prudential requirements for credit institutions and investment firms and amending Regulation (EU) No 648/2012 Text with EEA relevance. 2013-06-27 (Noiz kontsultatua: 2021-07-23).
- ↑ 10/2014 Legea, ekainaren 26koa, kreditu-entitateen antolamendu, gainbegiraketa eta kaudimenari buruzkoa
- ↑ Reial decret 84/2015, de 13 de febrer, pel qual es desplega la Llei 10/2014, de 26 de juny, d’ordenació, supervisió i solvència d’entitats de crèdit
- ↑ (Katalanez) «El Govern nomena Víctor Guardiola Flores com a conseller delegat de l’ICF.» ICF.cat (Noiz kontsultatua: 2021-07-23).
- ↑ (Gaztelaniaz) Periódico, El. (2021-01-26). «El Govern nombra a Víctor Guardiola Flores nuevo responsable del ICF» elperiodico (Noiz kontsultatua: 2021-07-23).
- ↑ ICF – 2020ko Informea
